राष्ट्र बैँकले सार्वजनिक गरेको चालु आर्थिक वर्षको पुषसम्मको आर्थिक तथा वित्तिय स्थितिले ७ दशमलव २३ प्रतिशत मूल्यवृद्धि भएको देखाएको छ । गत आर्थिक वर्षको सोही अवधिमा मूल्यवृद्धि ५ दशमलव ६५ प्रतिशत थियो । गत वर्षको तुलनामा यस वर्ष खाद्य अन्र्तगत तेल ६ दशमलव ५९ प्रतिशत, चिनी ६ दशमलव ६९ प्रतिशत, अनाज र तिनका उत्पादन ९ दशमलव ५६ प्रतिशतले वृद्धि भएको छ । पछिल्लो समय बजारमा मूल्यवृद्धिका कारण उपभोक्ताको दैनिकि कष्टकर भएको छ ।
नेपालमा विदेशबाट ६० देखि ७० प्रतिशतमा खाद्यान्न आयात हुने गरेको छ । जनसंख्याको चाप बढेसगैँ बजारमा माग बढ्दै गएको छ । सोही अनुपात उत्पादन कम हुदैँ गएकाले मूल्य बढेको विश्लेषण गरिएको छ । त्यस्तै, विश्वमा आएको आर्थिक मन्दि र रुस र युक्रेनको युद्धका कारण अन्तर्राष्ट्रि«य बजारमा मूल्य बढिरहेको छ । जसको असर नेपली बजारमा देखिएको अर्थविद्हरुको भनाई छ ।
आयात गरिएका उपभोग्य वस्तुहरुको मूल्यवृद्धि भएसगैँ यसको असर बजारमा देखिन थालेको छ । मुख्यतयाः खाद्यन्नको मूल्यवृद्धि हुनुमा अन्तर्राष्ट्रि«य विनिमय दर, पेटोलियम पदार्थको मूल्य, आयात गरिने राष्ट्र«हरु, यातायात खर्च, ज्यालादर, बैँकको ब्याजदर वृद्धि हुनुलगायतका कारणले दैनिक उपभोग गर्ने खाद्यान्नको मूल्य बढेकोे बताइएको छ । यसरी मूल्यवृद्धि भइरहदाँ आम उपभोक्ताका लागि राज्यले राहत र अनुदानको व्यवस्था गर्नुपर्छ ।
