राशिफलः तपाईंको आजको दिन कस्तो रहनेछ ?
– ज्योतिष पण्डित सूर्यनाथ लुइटेल
मेष : दिन सामान्य छ। हरेक कुरामा सचेत बन्नुपर्ने छ । स्वास्थ्य र शिक्षामा ढिलासुस्ती हुनेछ। विपक्षीको साथ मिल्नेछ। आम्दानी भन्दा खर्च बढ्नेछ। विज्ञको सुझाव लिएर अगाडि बढ्नु राम्रो हुनेछ।
वृष : दिन राम्रो छ। व्यापारमा फाइदा हुनेछ। धन बढ्नेछ। शिक्षामा गरेको प्रयास सफल हुनेछ। परिवारको साथ र सहयोग मिल्नेछ। प्रेम सम्बन्ध सुमधुर बन्नेछ।
मिथुन : बोलीका कारण राम्रो काम बन्नेछ। स्वास्थ्यमा सुधारका संकेत देखिने छन्। मनमा शान्ति मिल्नेछ। परिवारले भन्दा बाहिरको व्यक्तिको साथ र सहयोग प्राप्त हुनेछ।
कर्कट : मन प्रशन्न हुनेछ। लगानीका क्षेत्रमा सफलता मिल्नेछ। स्वदेशमा रोजगारीको विकल्प प्राप्त हुनेछ। शिक्षा रस्वास्थ्यमा सुधारका संकेत देखिने छन्।
सिंह : ठुलो लगानी नगर्नु उचित हुन्छ। विदेशी रमझमले मन आकर्षित गरेको छ। लगानी गरेको भए शिक्षाको क्षेत्रमा फाइदा हुनेछ। धार्मिक कार्यमा सहभागी भएर यात्रा गरेमा सोचेको काम बन्नेछ।
कन्या : दिन राम्रो छ। परिवारमा मेलमिलाप बढ्नेछ। आम्दानी बढ्नेछ। गुम्न लागेको सम्पत्ति प्राप्त हुनेछ। उच्च तहका व्यक्तिको आर्शिवादले दैनिकी सहज बन्नेछ।
तुला : दिन राम्रो छ। साथीको साथ मिल्नेछ। भाग्यको स्थानमा चन्द्रमा पुगेकाले मिहिनेतको फल प्राप्त हुनेछ। खानपानमा ख्याल नगर्दा स्वास्थ्यमा भने समस्या हुनेछ।
वृश्चिक : दिन राम्रो छ। शिक्षाको क्षेत्रमा गरेको प्रयास सफल बन्नेछ। स्वास्थ्यले साथ दिनेछ। राज्यका तर्फबाट मान र सम्मान प्राप्त हुनेछ। परिवारलाई समय दिन नसक्दा खटपटी भने बढ्नेछ।
धनु : दिन सामान्य छ। उत्तरको लामो यात्रा नगर्नु उचित हुन्छ। राज्यको त्रास रहनेछ। परिवारको दोहोरो भूमिकाले तपाईंलाई दुःखी बनाउने छन्। धार्मिक यात्राले दिन सहज बन्नेछ।
मकर : दिन राम्रो छ। लगानीका क्षेत्र सफल बन्नेछन्। व्यापारमा नाफा हुनेछ। शिक्षामा प्रगति हुनेछ। आफन्तको साथ र सहयोग प्राप्त हुनेछ। प्रेम सम्बन्ध सुमधुर बन्ने योग छ।
कुम्भ : दिन राम्रो छ। तपाईंको बोलीले काम बन्ने दिन छ। शिक्षामा गरेको प्रयास सफल बन्नेछ। अरुलाई समय दिँदा आफ्नो समस्या बढ्ने भएकाले सचेत बन्नुपर्ने देखिन्छ।
मीन : दिन सामान्य छ। सञ्चित धन खर्च हुनेछ। अनावश्यक यात्रामा समय र सम्पत्ति नाश हुनेछ। साथीको दोहोरो चरित्रले दुःखी बनाउने जोखिम छ। परिवारको सल्लाहमा अगाडि बढेमा दिन सहज बन्नेछ।
