काठमाडौं: विश्वप्रसिद्ध राइड–हेलिङ कम्पनी Uber ले नेपालमा आफ्नो सेवा औपचारिक रूपमा सुरु गरेको छ। यसलाई नेपालको तीव्र गतिमा विस्तार भइरहेको डिजिटल अर्थतन्त्रका लागि महत्वपूर्ण उपलब्धिका रूपमा हेरिएको छ।
उद्घाटन कार्यक्रममा Acting Deputy Chief of Mission Chelan Bliss ले सम्बोधन गर्दै उबरको नेपाल प्रवेशले देशको भविष्यप्रतिको अन्तर्राष्ट्रिय विश्वास झल्काउने बताइन्।
उनले भनिन्, “नेपालमा उबरको सुरुवात गर्ने निर्णय नेपालको विकास यात्राप्रतिको विश्वास मात्र होइन, नेपाली जनतामाथिको विश्वासको पनि प्रतीक हो।”
नेपालले डिजिटल रूपान्तरणलाई तीव्रता दिइरहेका बेला उबरजस्ता अमेरिकी कम्पनीहरूको आगमनले उपभोक्तालाई थप विकल्प उपलब्ध गराउने, नवप्रवर्तनलाई प्रोत्साहन गर्ने तथा नयाँ आर्थिक अवसर सिर्जना गर्ने अपेक्षा गरिएको छ।
संयुक्त राज्य अमेरिकाले नेपालको डिजिटल विकास तथा अमेरिकी कम्पनीहरूको नेपालमा बढ्दो व्यावसायिक संलग्नतालाई निरन्तर समर्थन गर्ने प्रतिबद्धता व्यक्त गर्दै उबरको सम्पूर्ण टोलीलाई सफल सुरुवातका लागि बधाई दिएको छ।
