नेपाल भ्रष्टाचार हुने व्याप्त मुलुकहरूको उच्च श्रेणीमै कायम रहेको ट्रान्सपरेन्सी इन्टरनेशनले जनाएको छ । ट्रान्सपरेन्सी इन्टरनेशनले मंगलबार सीपीआईले सार्वजनिक गरेको भ्रष्टचार सम्बन्धी विश्वव्यापी सूचकाङमा नेपालले १०० अंकमा जम्मा ३४ अंक प्राप्त गरेको जनाएको छ । सीपिआई २०२१ मा नेपालले ३३ अंक प्राप्त गर्दै ११७ स्थानमा रहेको थियो ।
सीपिआईको सूचांकमा १०० अंकले अति स्वच्छ र ० अंकले अति भ्रष्ट जनाउँछ भने ५० भन्दा कम अंक प्राप्त भएमा बढी भ्रष्टचार हुने मुलुकका रुपमा मानिन्छ । त्यसैले गत वर्षको तुलनामा केही सुधार भए पनि नेपाल भ्रष्टचार व्याप्त मुलुकहरुकै श्रेणीमा रहेको ट्रान्सपरेन्सी इन्छरनेशनलले जनाएको छ ।
सन २०२२ मा विश्व वैंक, वल्र्ड इकोनोमिक्स फोरम, ग्लोबल इनसाइट, वर्टेल्सम्यान फाउन्डेसन, वल्र्ड जस्टिस प्रोजेक्ट र भी—डीईएम सहित ६ वटा संस्थाद्धारा प्रकाशित सर्वेक्षणलाई सीपीआई २०२२ को आधारमा मानिएको छ ।
विभिन्न ६ संस्थाहरुले सर्वेक्षणहरुमा सरकारद्धारा सार्वजनिक पदाधिकारीहरुको काम कारबाहीको निगरानी, सार्वजनिक सेवा, कर भुक्तानी, ठेक्का पट्टा, आयात निर्यातमा घुस र न्यायिक निर्णयमा हुने भ्रष्टचार, पदको दुरुपयोगमा सार्वजनिक पदाधिकारीमाथी कतिको कारबाही हुन्छ र सरकारको भ्रष्टचार नियन्त्रणको प्रयास कतिको सफल छ, न्यायलय, संसद र सुरक्षा निकायका प्रतिनिधिहरुद्धारा निजी स्वार्थका लागि सार्वजनिक पदको दुरुपयोग विषयमा सर्वेक्षण गरेका हुन ।
सीपीआई २०२२ मा दक्षिण एशियाली राष्ट्रहरूमध्ये भुटानले २५ औं, मालदिभ्स र भारत ८५ औं , श्रीलङ्का १०१ औं, पाकिस्तान १४० औं, बङ्गलादेश १४७ औं र अफगानिस्तान १५० औं स्थानमा परेका छन् । १८० मुलुकमा गरिएको सीपीआईमा डेनमार्क ९० अङ्कबाट सबैभन्दा कम र सोमालिया १२ अङ्कले सबैभन्दा बढी भ्रष्टाचार हुने मुलुकका रुपमा सूचिकृत छन् ।
