आजको समयमा तपाईँको डाटा अरूको नियन्त्रणमा पुग्नु आम विषय जस्तै बन्न थालेको । सामाजिक सञ्जाल देखि विभिन्न तरिकाबाट चोरी भएका यस्ता डाटा पछि डार्क वेबमा बेचिन्छ । जसले तपाईँको डाटा गलत प्रयोगको सिकार बन्न सक्छ ।
तपाई स्मार्ट फोन चलाउनुहुन्छ भने अवश्य पनि इमेल आइडी पनि होला । यही इमेल आइडी लिक हुनु पनि आम विषय जस्तै हो । तर यही खतराका बिच तपाईँले आफ्नो इमेल आइडी डाटा लिकमा सामेल छ कि छैन भने आफैले चेक गर्न पनि सक्नुहुन्छ ।
आउनुहोस् यसबारे जानौँ
कसरी थाहा पाउने ?
यदि तपाइलाई आफ्नो इमेल आइडी डाटा लिकमा समावेश छ कि छैन भन्ने चिन्ता छ भने सुरुमा यो haveibeenpwned.com वेबसाइटमा जानुहोस् । अब तपाईँले एउटा पेज देख्नुहुनेछ । त्यसमा have i been pwned?लेखिएको हुन्छ ।
अब त्यसको तल हुने सर्चबारमा आफ्नो इमेल आइडी हाल्नुहोस् र pwned मा क्लिक गर्नुहोस् । केही सेकेन्डमै तपाईँको अघि यो आइडी लिक भएको छ कि छैन भन्ने देखिन्छ । यदि लिक भएको छ भने पुरै स्क्रिन रातो हुन्छ भने नभए “Good news – no pwnage found!” लेखेको देख्नुहुने छ ।
