– चिनीको अधिक सेवनले रगमा सुगरको मात्रा बढ्न गई अन्तःस्राव प्रणालमा असर पार्दछ र त्यसले पुनः मस्तिष्क र सेन्ट्रल नर्भस सिस्टमलाई समेत प्रभावित गर्दछ । मधुमेहका रोगीमा हाइपोग्लाइसेमिया हुनुको यो एक खास कारण हो ।
– अध्ययनकर्ताहरुको भनाइअनुसार चिनीलाई पचाउन पाचनतन्त्रले शरीरबाट भिटामिन बि कम्प्लेक्स चुसेर लिन्छ । प्रत्येक दिन चिनी सेवन गर्नाले शरीरमा भिटामिन बि कम्प्लेक्सको कमीलाई बढाउँदै लैजान्छ र परिणाममा अपच, छालाको रोग, कब्ज, अजीर्ण, कोलाइटिस, मुटुरोग, स्नायुजन्य रोग हुने खतरा बढेर जान्छ ।
– डा. एचिसन राबर्टनिले गरेको खोजद्वारा प्राप्त परिणामले देखाएको छ कि चिनीको सेवनले वायुविकार, नेत्ररोग हुने भय रहन्छ । साथै, आमाशयको भित्री झिल्ली असन्तुलित हुने र पाचनतन्त्र अस्तव्यस्त हुने गरी पाचक रस या श्लेष्माहरु निस्कन्छन् ।
– कष्टकारक रोगहरु— कलेजोमा बोसो बढ्ने, लिभर फेलुअर, थकान, बेचैनी, उद्विग्नता, टाउको दुख्ने, दमरोग, मधुमेह आदिको एउटा कारण आधुनिक चिनीको अधिक सेवन हो ।
– यसको अन्धाधुन्द सेवनले शरीरमा क्याल्सियम र फस्फोरसको सन्तुलन बिग्रन जान्छ, जसले गर्दा पाचन कार्यलाई चाहिने क्याल्सियमको मात्रा अपुग हुन पुग्दछ । यो क्रम लम्बिँदै गएको खण्डमा वातरोग, अर्थराइटिस, क्यान्सर, भाइरस आक्रमणहरु जस्ता डरलाग्दा रोगहरु उत्पन्न हुने भय रहन्छ ।
– सुप्रसिद्ध बेलायती डाक्टर लुईकुने मुटुसम्बन्धी अधिकांश रोगको अकाट्य कारण चिनीको निरन्तर सेवन हो भन्नेमा सबैलाई सचेत गराउनुहुन्छ ।
– चिनीको सर्वाधिक र घातक असर दाँतमाथि पर्दछ । हिजोआज द्रूत गतिमा बढ्दै गएका दन्त उपचार केन्द्रहरुले पनि यसको पुष्टि गरिरहेका छन् । विश्वमा दाँतका रोगी सबैभन्दा धेरै भएको देश अमेरिका हो किनभने त्यहाँका बालकदेखि वृद्धसम्मले चिनी या कृत्रिम गुलियोवाला खाद्यवस्तु अत्याधिक सेवन गर्दछन् ।
साभारः ‘खाने कसरी पिउने कसरी’ पुस्तकबाट
