एलर्जी रोगमा खानपानको महत्व

शरीरमा रोग निरोध गर्ने क्षमता कमी हुँदै जाँदा एलर्जीको समस्या देखिने गर्दछ । तसर्थ यसको उपचार गर्नको लागि खानपान जीवनशैलीमा केही सुधार गर्नुपर्ने हुन्छ । सबैभन्दा पहिले आपूmलाई एलर्जी कुन कारणले भइरहेको छ त्यो जान्न आवश्यक हुन्छ । कुनकुन खानेकुराले आफूलाई एलर्जी गाइरहेको छ त्यो जानेर त्यसको सेवन वा प्रयोग बन्द गरी उपचार शुरु गर्नु सकिन्छ ।
– एलर्जी गराउने संभावित खानाहरुलाई जाँच्नुपर्दछ । एलर्जी गराउने रहेछ भने त्यसको सेवन बन्द गर्नुपर्दछ ।
– यो समस्यामा चिया, कफी, चकलेट, चिसो पेय पदार्थहरु, चुरोट, खैनी, रक्सी, दूध, चीज, बटर, माछा, मासु, मैदा, चिनी र यसका परिकारहरु, सिसीमा बनाइएका पुराना अचारहरु प्रिजरभेटिभ र कृत्रिम रंग, गन्ध मिसाइएका खानाहरु आदि सेवन नगर्नु राम्रो मानिन्छ ।
– भिटामिन बी कम्प्लेक्स र भिटामिन ई युक्त खानेकुराहरु एलर्जीमा लाभदायक मानिने हुँदा यी भिटामिनहरु प्राप्त हुने खानेकुराहरु सेवन गर्नुपर्दछ ।
– मेथी, प्याज लसुनको सेवन एलर्जीमा लाभदायक मानिन्छ ।
– दैनिक भोजनमा प्रशस्त भिटामिन सी समावेश गराउनुपर्दछ ।
– फलफूल र यसको जुस, तरकारी र सलादहरु दैनिक सेवन गर्नुपर्दछ ।
– बिहान खाली पेटमा नीमको पात मिलाइएको पानी पिउनु उपयोगी मानिन्छ । यो पिएर आधाघण्टासम्म केही खाने पिउने गर्नुहुँदैन ।

साभारः ‘१०१ रोग, एकसे एक उपचार’ पुस्तकबाट