काठमाडौं । दुर्गा प्रसाईं नेतृत्वको राष्ट्र, राष्ट्रियता, धर्म, संस्कृति र नागरिक बचाउ महाअभियान भित्र चन्दा असुली र ब्ल्याकमेलिङको आरोपपछि छ जना सदस्यमाथि संगठनले कडा कारबाही गरेको छ। अभियानमा सक्रिय रहँदै पीडितहरूबाट आर्थिक असुली र दबाबमूलक गतिविधि चलाएको आरोप लागेपछि सचिवालय सदस्य तथा युवा–खेलकुद विभाग संयोजक विष्णुजङ्ग बस्नेत र केन्द्रीय सदस्य तथा पीडीएफ सह–संयोजक गोपाल बोहोरालाई सबै जिम्मेवारीबाट हटाई निष्काशन गरिएको अभियानले जनाएको छ।
यस्तै सचिवालय सदस्य ओमप्रकाश लुइँटेल र मेची अञ्चल सह–संयोजक प्रकाश उप्रेतीलाई संगठनले निलम्बन गरेको छ। विज्ञप्तिमा उनीहरूले संगठनभित्र गुट बनाउने, अराजकता फैलाउने, नागरिकका कागजपत्र जफत गर्दै ब्ल्याकमेलिङसम्म गर्ने जस्ता अनुशासनविपरीतका गतिविधि दोहोर्याएपछि कडा कदम चालिएको उल्लेख छ। अभियानले कारबाहीमा परेकासँग कुनै प्रकारको सम्पर्क वा सहकार्य नगर्न अभियानका अभियन्ताहरूसमेतलाई सचेत गराएको छ। साथै, ‘यदि कसैले उनीहरूसँग संलग्न भएर फस्ने हो भने यसको जिम्मेवारी संगठनमा नपर्ने’ चेतावनी पनि विज्ञप्तिमा समावेश छ।
संगठन विभागका सचिव प्रेमदीप लिम्बू र विभाग प्रमुख प्रेम थापा मगरले संयुक्त रूपमा कारबाही सम्बन्धी विज्ञप्ति जारी गरेका छन्।
