बलिउड अभिनेत्री तृप्ति डिमरीले फिल्म ‘एनिमल’ मा सानो भूमिकाबाट पनि मानिसको मनमा स्थान बनाइन्।
हालै सुपरहिट फिल्म भुल भुलैया–३ मा देखिएकी तृप्ती केही हिट फिल्म दिएर २०२४ को सबैभन्दा लोकप्रिय अभिनेत्री बन्न सफल भएकी छन्। जसकाे खुलासा इन्टरनेट चलचित्र डाटाबेसले गरेकाे छ।
दीपिका पादुकोण र ऐश्वर्या राईलाई पछि पार्दै तृप्ति डिमरी २०२४ को सबैभन्दा लोकप्रिय स्टार बनेकी छन्।
तृप्तीले आफ्नो करियर श्रीदेवीको फिल्म मम (२०१७) बाट सुरु गरेकी थिइन्।
तृप्तीले सन् २०१७ मा सन्नी देओलसँग मुख्य नायिकाको रूपमा पहिलो फिल्म पाएकी थिइन्। तृप्तीले रियाको भूमिका निभाएकी थिइन् र अभिनेता सनी देओल, बबी देओल र श्रेयस तलपदेसँग स्क्रिन सेयर गरेकी छिन्।
तर, यो फिल्म बक्स अफिसमा सुपरफ्लप भयो र तृप्ति फ्यानको नजरबाट गायब भइन्।
२०१८ मा, तृप्तीले सुपरहिट टिभी सिरियल नागिनमा भूमिका निभाएकी थिइन्। तृप्तीले आफ्नो संघर्षका दिनहरूमा हिट निर्देशकहरूसँग राम्रो भूमिकाको लागि संघर्ष गरिन्।
२०१८ मा तृप्तिकाे लागि एउटा अवसरकाे ढाेका खुल्याे। जसलाई उनले खुसीका साथ अपनाएकी थिइन्।
निर्देशक इम्तियाज अलीले ‘लैला मजनु’ बनाइरहेका थिए र उनलाई अविनाश तिवारीको अपोजिटमा मुख्य भूमिकामा कास्ट गरेका थिए।
यो फिल्म रिलिज भयो र बक्स अफिसमा ठूलो फ्लप साबित भयो। बक्स अफिसमा लगातार असफलता भए पनि उनले हार भने कहिल्यै मानिनन्।
फिल्म लैला–मजनु फ्लप भएपनि उनकाे अभिनयलाई भने निकै रूचाइएकाे थियाे। त्यही फिल् रिलिज भएकाेे दुई वर्षपछि तृप्तीलाई नेटफ्लिक्समा रिलिज भएको म्युजिकल ड्रामा फिल्म ‘काला’मा कास्ट गरियो।
यस फिल्मका गीतहरूले मानिसहरूको मन जिते। फिल्ममा तृप्तीले मञ्जुश्रीको भूमिका निभाएकी थिइन्। तर तृप्तिको करियरको सबैभन्दा उत्कृष्ट फिल्म भने रणवीर कपूर अभिनित फिल्म ‘एनिमल’ भयाे।
उनले फिल्ममा सानो र प्रभावकारी भूमिका खेलेकी थिइन् र अभिनेतासँग रोमान्टिक दृश्यहरू गरेकी छन्। उनको अभिनयकाे कारण फ्यानहरूले उनलाई नेशनल क्रश बनाएका छन्।
वर्षकी हिट नायिका
यो फिल्मले तृप्तीको करियरलाई पूर्णरुपमा बदलिदियो। यो फिल्मपछि तृप्तीलाई बलिउडबाट धेरै अफर आए र उनी हिन्दी फिल्म उद्योगको शीर्ष नायिका भइन्।
तृप्ती पछिल्लो पटक कार्तिक आर्यनसँग बक्स अफिस सुपरहिट फिल्म भूल भुलैया ३ मा देखिएकी थिइन्।
तृप्तीले आफ्नो ७ वर्ष लामो बलिउड करियरमा १० वटा फिल्म गरिसकेकी छिन्। आईएमडीबीका अनुसार तृप्ती अहिले २०२४ को सबैभन्दा लोकप्रिय स्टार हुन्।
इन्टरनेट चलचित्र डाटाबेसकाे रिर्पाेट अनुसार तृप्तिलाई विश्वव्यापी २५० मिलियन दर्शकहरूले हेरेका छन्। जसमा दीपिका पादुकोण दोस्रो स्थानमा छिन्।
यो सूचीमा इशान खट्टर तेस्रो, शाहरुख खान चौथो, शोभिता धुलिपाला पाँचौं, सरवरी छैटौं, ऐश्वर्या राय बच्चन सातौं, सामन्था रुथ प्रभु आठौं, आलिया भट्ट नवौं र प्रभास १०औँ स्थानमा छन्।
