पोखरा, ६ माघ । पोखराको अमरसिंह चौरमा जारी ११ औं संस्करणको पोखरा महोत्सवको दशौं दिनसम्म आइपुग्दा एक लाख ७० हजार दर्शकले महोत्सवको अवलोकन गरेका छन ।
महोत्सवमा सात करोड बरावरको कारोवार भएको जानकारी आयोजक संस्था युनाइटेड क्लबले जनाएको छ । महोत्सवमा आउने अधिकांश दर्शकहरुले स्टलमा राखिएका सामाग्री किनमेल गर्नेको समेत घुइँचो बढेको हो । स्टलमा राखिएका विशेष गरी जाडो मौसमका लत्ता कपडासंगै घरायसी सामाग्रीहरु किनमेल गर्नेहरुको घुइँचो बढेको महोत्सवका प्रचार प्रसार संयोजक दिनेश सुनारले जानकारी दिए ।
महोत्सवको दशौं दिन चर्चित दोहोरी गायक आलिफ खानको एकल र दोहोरी मार्फत दर्शकहरुले भरपुर मनोरञ्जन लिएका थिए । कलाकारहरु जीवन दाहाल, शिवहरी ढुंगाना, रेशम निर्दोश, ज्योति लोहोनी, कमला गैरे, चीना थापा लगायतको प्रस्तुति मार्फत दर्शकहरुले मनोरञ्जन लिएका थिए ।
त्यसैगरी महोत्सवमा हास्य प्रहशन तर्फ राजेन्द्र गिरी जादुगर गुन्द्रुके र मुना गिरीको प्रहशन र २३ इन्चका मनोज गोर्खालीको नृत्यले दर्शकहरुको मन जित्न सफल भएको थियो । सांझको लाइभ कन्सर्टमा अनुप्रस्थाको प्रस्तुुति मार्फत युवाहरुले भरपुर मनोरञ्जन लिएकोआयोजकको दावी छ ।
