गोलबजार(सिरहा) : युवा तथा खेलकुद मन्त्री तेजुलाल चौधरीले देशलाई समृद्ध बनाउनका लागि युवामा काम गर्ने हुटहुटी हुनुपर्ने बताउनुभएको छ ।
यहाँको खडक नगरपालिकामा राष्ट्रिय युवा परिषद्द्वारा आयोजित ‘आकस्मिक, मानसिक स्वास्थ्य तथा उद्यमशील केन्द्रित युवा परामर्श तथा मार्गदर्शन’ कार्यक्रमलाई सम्बोधन गर्दै उहाँले देशमा सम्भावना छैन भन्ने गलत भाष्य सृजना भइरहेको बताउनुभयो ।
नगरपालिकाको सभाहलमा आयोजित एक दिने कार्यशालाको सहजीकरण प्रमुख प्रशिक्षक मनोविद् डा गोविन्दराज पोखरेल र डा राम थापाले गर्नुभएको छ । तालिममा युवा मानसिक स्वास्थ्य, यसले पार्ने प्रभाव, परामर्श र बिरामीलाई कसरी पहिचान गर्नेबारे प्रशिक्षण दिइएको थियो ।
खडक नगरपालिकाका नगरउप्रमुख रिता चौधरीले युवाहरु राष्ट्रको गहना भएकाले राज्यले युवालाई सीपमूलक तालिमको व्यवस्था मिलाउनुपर्नेमा जोड दिनुभयो ।
—
