कम्मर दुखाई सामान्यतया जोसुकैले पनि एक न एक पल्ट अनुभव गर्ने खालको समस्या हो । आधुनिक व्यस्त दिनचर्या, शारीरिक व्यायामको अभाव, सुविधासम्पन्न जीवनशैली आदिको कारणले प्रायः मा यो समस्या देखिने गर्छ । शरीरको सम्पूर्ण भार समेत कम्मरमै पर्ने हुनाले शारीरिक तौल बढी भए पनि यो समस्या देखिने गर्दछ ।
आफ्नो भोजनमा परिवर्तन र व्यायम गर्दै प्राकृतिक तरिकाले घरमै यसको उपचार गर्न सकिन्छ—
– तेलमा तारिएका, भुटिएका खानाहरु दुखाइको प्रमुख कारण बन्ने हुँदा यसलाई कम गर्नुपर्दछ ।
– क्याल्सियम, भिटामिन डी तथा सी पाइने खानेकुराहरु प्रशस्त खानुपर्दछ ।
– तील क्याल्सियमको राम्रो श्रोत हो ।
– त्यस्तै दूध र यसका परिकारहरुबाट पनि क्याल्सियम र भिटामिन डी प्राप्त गर्न सकिन्छ ।
– भिटामिन सीको सेवनले दुखाइमा फाइदा पु¥याउने हुँदा कागती, सुन्तला, हरिया सागपातहरु प्रशस्त खानु उपयोगी हुन्छ ।
– खानामा प्रशस्त फलफूलहरु र काँचो सलाद एवं तरकारीहरु (गोलभेँडा, गाँजर, बन्दा, फर्सी, मूला आदि) टुसाएका गेडागुडीहरु सेवन गर्नुपर्दछ ।
– खुर्सानी पानी पिउनाले दुखाइमा राहत मिल्दछ । यसको लागि एक गिलास मनतातो पानीमा एक चम्चा खुर्सानी, कागती, एक चिम्टी विरेनुन मिसाएर खाना खाएको बीस मिनेटपछि चुस्की लिँदै पिउनु पर्दछ ।
– फलफूलको जूस तथा तरकारीको सुप टन्नै पिउनु लाभदायक हुन्छ ।
साभारः ‘१०१ रोग, एकसे एक उपचार’ पुस्तकबाट
