काठमाडौं। अण्डाको मूल्य बढेको छ । अण्डाको खपत बढेसँगै मूल्य बढाइएको नेपाल लेयर्स कुखुरापालक संघले जनाएको छ ।
मंगलबारदेखि लागु हुने गरी अण्डाको मूल्य बढाउने निर्णय गरिएको संघका अध्यक्ष विनोद पोखरेलले जानकारी दिए ।
बजारमा मध्यम, ठूलो र एक्स–एल गरी तीन आकारका अण्डा आउने भएकाले न्यूनतम प्रतिक्रेट १५ रूपैयाँदेखि अधिकतम ३० रूपैयाँका दरले अण्डाको मूल्य बढ्ने भएको पोखरेलले जनाएका छन् ।
अहिले ठूलो अण्डाको मूल्य प्रतिक्रेट तीन सय ७०, मध्यम तीन सय ५५ र एक्स–एल अण्डा तीन सय ८५ रूपैयाँ छ।
आजबाट किसानले ठूलो अण्डा चार सय, मध्यम तीन सय ८५ र एक्स–एल अण्डा चार सय १५ रूपैयाँ पाउनेछन् ।
