काठमाडौं । प्रधानमन्त्री केपी शर्मा ओलीले हिउँदे अधिवेशनको पहिलो दिन संसदलाई सम्बोधन गर्ने तयारी गरेका छन् ।
यहि माघ १८ गते दिउँसो १ बजे बस्ने संसदको हिउँदे अधिवेशनको पहिलो दिन प्रधानमन्त्री ओलीले सदनलाई सम्बोधन गर्ने तयारी गरेका हुन् ।
नेकपा एमालेका मुख्य सचेतक महेश बर्तौलाले उक्त दिन प्रधानमन्त्रीले सम्बोधन गर्ने कार्यक्रम तय भएको जानकारी दिए ।
हिउँदे अधिवेशनबारे सभामुख देवराज घिमिरेले आज सत्तापक्षका प्रमुख सचेतकहरूसँग छलफल गरिसकेका छन् ।
सभामुखसँग छलफल गर्नुअघि बर्तौलाले प्रधानमन्त्रीसँग छलफल गरेका थिए । त्यसपश्चात् उनले सभामुख सँग प्रधानमन्त्रीले पहिलो बैठकमा सम्बोधन गर्ने तयारी रहेको कुरा जानकारी गराएका थिए ।
