पोखरा, पुस २० । संकटा फुटबल क्लव आहा ! रारा पोखरा गोल्डकप फुटबल प्रतियोगिताको उपाधि नजिक पुगेको छ । सहारा क्लब पोखराको आयोजनामा पोखरा रंगशालामा भईरहेको २२ औं आहा ! रारा पोखरा गोल्डकप फुटबल प्रतियोगिता अन्तर्गत बुधबार भएको खेलमा डिफेन्डिङ च्याम्पीयन एपीएफलाई ४–१ ले पराजित गर्दै संकटा फुटबल क्लब फाईनलमा प्रवेश गरेको हो ।
संकटालाई फाइनलमा पु¥याउनका लागि विदेशी खेलाड स्टेफन बिनोङ र मेसुके ओलामाउले २–२ गोलको योगदान गरे ।
पराजित एपीएफका लागि भने हरि कार्कीले सान्त्वना एक गोल गरे । शुरुदेखि नै आक्रामक रणनीति अप्नाएको संकटाले खेलको चौथो मिनेटमै गोल गर्दै अग्रता बनाएको थियो । शुरुवातमै गोल गरेर एपीएफलाई दवाबमा राख्ने रणनीतिमा रहेको संकटाका लागि विदेशी खेलाडी स्टेफनले गोल गर्दै अग्रता दिलाएका थिए । उनले अर्का विदेशी खेलाडी मेसुके ओलामाउको पासलाई उत्कृष्ट फिनिसिङ दिए । विपक्षी गोलकिपरसँगको वान भर्सेस वानको स्थितिमा उनले विपक्षी गोलकिपरलाई छक्याउँदै सहजै जाली चुमाएका हुन् ।\
लगातारको आक्रमण बुनेको संकटाले खेलको ४२ औं मिनेटमा अग्रता दोब्बर बनायो । संकटाका लागि मेसुके ओलामाउले गोल गर्दै अग्रता दोब्बर बनाएका हुन् । यसपटक पहिलो गोल गर्ने स्टेफनले असिष्ट गरेका थिए । पहिलो हाफमा दुई गोल खाएको एपीएफ दोश्रो हाफमा पनि सम्हालिएन । दुई गोलले अग्रता बनाएको संकटा भने थप आक्रामक बन्दै खेलको ६० औं मिनेटमा तेश्रो गोल गर्न सफल भयो । डिफेन्डर आन्द्रे बियिकको लामो पासलाई नियन्त्रणमा लिँदै पहिलो गोलकर्ता स्टेफनले व्यक्तिगत दोश्रो गोल गर्दै संकटाको अग्रता तेब्बर बनाए ।
तीन गोल खाएको एपीएफ खेलको अन्त्यतिर भने आक्रामक बन्यो । जसको फलस्वरुप उसले ७३ औं मिनेटमा गोल फर्काउँदै खेलमा फर्किने संकेत ग¥यो । एपीएफका लागि हरि कार्कीले गोल गर्दै एपीएफलाई ३–१ को स्थितिमा पु¥याएर खेलमा फर्काउने संकेत गरेका थिए । तर त्यसपछि भने एपीएफले गोल फर्काउन सकेन । बरु संकटाले थप एक गोल गर्दै अन्तर फराकिलो पा¥यो । संकटाका मेसुले खेलको ८५ औं मिनेटमा गोल गर्दै नतिजा ४–१ मा पु¥याएका हुन् । मैदानको मध्यभागबाट आन्ध्रे बियिकले दिएको पासमा उनले गोल गर्दै जित सुनिश्चित गरेका हुन् ।प्रतियोगिता अन्तर्गत भोलि दोश्रो सेमीफाइनलमा चर्च ब्वाइज युनाइटेड र भुटानीज युथ स्पोर्ट्स क्लब अमेरिकाबीच प्रतिष्पर्धा हुनेछ ।
