टाइम म्यागजिनले डोनाल्ड ट्रम्पलाई दोस्रो पटक ‘पर्सन अफ द इयर’ घोषणा गरेको छ ।
टाइम म्यागजिनले बिहीबार अमेरिकी राष्ट्रपतिमा निर्वाचित ट्रम्पलाई ‘पर्सन अफ द इयर’ घोषित गरेको हो । यसअघि उनी सन् २०१६ मा राष्ट्रपतिमा निर्वाचित भएपछि ‘पर्सन अफ द इयर’ चयन भएका थिए ।
अन्तर्राष्ट्रिय सञ्चार माध्यमका अनुसार ऐतिहासिक राजनीतिक पुनरागमन, विश्वमा अमेरिका र अमेरिकी राष्ट्रपतिको भूमिका परिवर्तनका लागि ट्रम्पलाई टाइमको सन् २०२४ को ‘पर्सन अफ द इयर’ घोषित गरिएको हो ।
ट्रम्पले अमेरिकी उपराष्ट्रपति कमला ह्यारिस, वेल्सकी राजकुमारी क्याथरीन, इजरायली प्रधानमन्त्री बेन्जामिन नेतान्याहु, मेक्सिकन राष्ट्रपति, क्लाउडिया सेइनबाउम, अर्बपति एलन मस्क र पोडकास्टर जो रोगनलाई पछि पारेका हुन् ।
टाइम म्यागेजिनले हरेक वर्ष विश्वव्यापी घटनाहरूलाई नाटकीय रूपमा आकार दिने व्यक्तिहरूलाई ‘पर्सन अफ द इयर’ घोषणा गर्ने गर्दै आएको छ ।
