काठमाडौं ।सन् २०३४ को विश्वकप फुटबल आयोजनाको अवसर साउदी अरेबियाले पाएको छ। विश्व फुटबलको सर्वोच्च निकाय फिफाले सन् २०३० तथा सन् २०३४ को विश्वकप आयोजकका टुङ्गो लगाएको हो।
भिडियो लिङ्कमार्फत भएको फिफाका २११ सदस्य राष्ट्रको बैठकले सो निर्णय गरेको हो। निर्वाचन प्रक्रियामा नर्वेले भने असहमति जनाएको छ।
सन् २०३० को विश्वकप फुटबल स्पेन, पोर्चुगल र मोरक्कोमा हुनेछ। त्यसैगरी विश्वकप फुटबल सुरुवातको सय वर्ष पुरा भएको उपलक्ष्यमा तीन खेल भने अर्जेन्टिना, पाराग्वे र उरुग्वेमा हुनेछन्।
