अत्यधिक चिसो, रुघाखोकी आदिको कारण अथवा धेरै बोल्दा घाँटी दुखेर घाँटी बसेको अनुभव त यहाँहरुलाई पक्कै छ होला । यो समस्याबाट राहत प्राप्त गर्नको निम्ति अपनाउन सकिने केही घरेलु विधि—
घाँटी महत्वपूर्ण एवं संवेदनशील अंग भएको हुँदा यसको समस्या बेलैमा समाधान गरिहाल्नुपर्छ । घाँटी दुखाइमा लाभदायक योगासानहरु, भोजन इत्यादिको प्रयोगद्वारा यसको उपचार गर्न सकिन्छ ।
भोजन
घाँटी दुखाइमा मह, तुलसी, अदुवा, मेथी आदिले राहत प्रदान गर्दछन् ।
दैनिक भोजनमा लसुन र मेथीको सेवनले यो समस्यामा फाइदा गर्छ ।
तुलसी र अदुवा पानी उमालेर त्यसमा मह मिलाएर पिउनु विशेष लाभदायक मानिन्छ ।
मेथी र पानी उमालेर गरगर गरी कुल्ला गर्न सकिन्छ भने मह मिलाएर यसलाई पिउन पनि सकिन्छ ।
भुइँकटहरको जुस यो समस्यामा लाभदायक मानिन्छ । जुसलाई थोरै थोरै गरी प्रत्येक घण्टा पिउँदै गर्नु लाभदायक मानिन्छ ।
सुख्खा धनियाँको गेडा पनि यो समस्यामा फाइदाजनक हुन्छ ।
सुकेको अमला पिनेर त्यसमा जेठीमधु मिलाएर सेवन गर्नाले घाँटी दुखाइमा राहत मिल्दछ ।
घाँटी बसेको छ भने मह र तुलसीको पातको सेवन गर्नाले फाइदा गर्छ ।
अन्जिर पानीमा भिजाएर सेवन गर्ने र पानी समेत पिउनाले लाभ गर्छ ।
बेल, स्याउ, अंगुर, घाँटीको लागि लाभदायक फलफूलहरु हुन् ।
ल्वाङ चपाउँदै गर्नाले पनि सो समस्यामा लाभ गर्छ तर ल्वाङको सेवन नगर्नु जाति हुन्छ ।
नुन पानी पिउने र यसले गरगर गर्नुपर्दछ ।
बाबरी पानीको सेवन र यसले गरगर गर्नाले आवाज सुरिलो पार्दछ ।
साभारः ‘एकसे एक उपचार’ पुस्तकबाट
