नराम्रो सपना देखेमा दोष यसरी कटाउने

सपना एक सामान्य स्वभाविक प्रक्रिया हो । सबै मानिसले सपना देख्छन् । सपनाले पछि हुने घटना–दुर्घटनाबारे समेत सङ्केत दिने ठानिन्छ । स्वप्नशास्त्रका अनुसार सपनाको केही न केही अर्थ हुन्छ । प्राचीन धर्मग्रन्थ वाल्मिकी रामायण, अग्नी पुराण आदिमा सपनाको माध्यमबाट भविष्यमा हुने घटनाहरुको बारेमा जानकारी पाएको वर्णन भेटिन्छ । सपना शास्त्रले पनि सपनामा जे देखिन्छ त्यसको वास्तविक जीवनसँग कुनै न कुनै सम्बन्ध हुन्छ भनेको छ ।
विज्ञ ज्योतिषहरुका अनुसार यदि नराम्रो सपना देखियो भन्दैमा आत्तिनु अनि राम्रो सपना देखियो भन्दैमा मात्तिनु भने हुदैन ।
– नराम्रो सपना देखेमा आफ्ना कुलदेवतालाई स्मरण गरेर तुलसीको मठमा जाने अनि ‘ॐ नमो भगवते वाशुदेवायः’ एकसय आठ पटक जप्ने त्यो नराम्रो फल निष्फल हुन्छ ।
– पिपलको दर्शन गर्ने र विशेष गरेर राहु केतु अनि शनि ग्रहको जप, पाठ गर्ने र असहायलाई दान गर्दा अवस्य पनि नराम्रो सपनाको फल टरेर जान्छ ।
– नराम्रो सपना देखेरे फेरि पनि आफै निदाइयो भने त्यो सपनाको फल स्वतः निष्फल हुन्छ ।
– पटक पटक नराम्रो सपना देखिइरहन्छ भने “शान्तिकर्मणि सर्वत्र तथा दुःस्वप्नदर्शने ग्रहपीडासु चोग्रासु माहत्म्यं शृणुयान्मम” यस मन्त्रले सम्पुट पाठ गर्दा अवस्य पनि जीवनमा सकारात्मक ऊर्जा मिल्दछ ।
– आफूले देखेको नराम्रो सपना सबैलाई भन्दै हिँड्यो भने पनि त्यो सपनाको फल निष्फल हुन्छ ।