काठमाडौँ – के तपाई टाउको र घाँटीको क्यान्सरबाट बच्न चाहनुहुन्छ ? यदि चाहनुहुन्छ भने मुखको स्वास्थ्यमा लापरवाही कहिल्यै पनि गर्नु हुँदैन, बिहान तपाईको एक गल्तीले टाउको र घाँटीको क्यान्सरको जोखिम बढाउन सक्छ।
एक नयाँ अध्ययनले नियमित रूपमा आफ्नो दाँत माझ्ने र फ्लस गर्नाले यी दुवै क्यान्सरको जोखिम कम गर्ने देखाएको छ। अमेरिकी वैज्ञानिकहरुको अध्ययन अनुसार मुख सफा नगर्दा मधुमेह र उच्च रक्तचापको जोखिम मात्रै नभई टाउको र घाँटीको क्यान्सर पनि हुने गरेको छ । त्यसैले मुखको स्वास्थ्यप्रति लापरवाही नगर्नुहोस्।
अध्ययनले के भन्छ ?
यो अध्ययन क्यान्सरको जोखिम र मुखमा रहेका केही ब्याक्टेरियाबीचको सम्बन्ध पहिचान गर्न गरिएको थियो। NYU Langone Health र यसको Perlmutter Cancer Center का अन्वेषकहरूको नेतृत्वमा गरिएको अध्ययनले मुखमा बस्ने सयौं प्रकारका ब्याक्टेरियाहरूमध्ये एक दर्जनभन्दा बढीले टाउको र घाँटीको स्क्वामस सेलको वृद्धिको जोखिम ५० प्रतिशतले बढाएको पत्ता लगाएको छ। अध्ययनले मुखमा रहेका केही ब्याक्टेरियालाई क्यान्सरसँग जोडेको छ।
मुख सफा नगर्दा क्यान्सरको जोखिम बढ्छ
जामा ओन्कोलोजी पत्रिकामा प्रकाशित अध्ययनले स्वस्थ पुरुष र महिलाहरूबाट सङ्कलन गरिएको मौखिक कीटाणुहरूको आनुवंशिक संरचनालाई हेरेको थियो। नियमित रूपमा मुखमा पाइने सयौं विभिन्न ब्याक्टेरियाहरू मध्ये, १३ प्रजातिहरूले HNSCC को जोखिम बढाउन वा घटाउन देखाएको छ। समग्रमा, यस समूहमा क्यान्सरको जोखिम ३० प्रतिशत बढी थियो। गम रोगमा प्रायः देखिने अन्य पाँच प्रजातिहरूको संयोजनमा जोखिम ५० प्रतिशतले बढेको थियो।
के भन्छन् अनुसन्धानकर्ता ?
ग्रोसम्यान स्कूल अफ मेडिसिनको जनसंख्या स्वास्थ्य विभागका पोस्टडक्टोरल फेलो क्वाकका अनुसार यी ब्याक्टेरियाहरूले उच्च जोखिमहरू पहिचान गर्न सक्ने बायोमार्करको रूपमा काम गर्न सक्छन्।
यसअघिको अनुसन्धानमा यी क्यान्सरबाट पीडित व्यक्तिको ट्युमरको नमूनामा केही ब्याक्टेरिया पत्ता लागेको थियो । त्यसपछि, २०१८ मा, हालको अनुसन्धान टोलीले कसरी सूक्ष्मजीवहरूले स्वस्थ सहभागीहरूमा HNSCC को पछि लाग्ने जोखिममा योगदान गर्न सक्छ भनेर पत्ता लगाए। तर, यस सम्बन्धमा अझै अनुसन्धान आवश्यक छ क्वाक भन्छन् ।
नियमित रूपमा ब्रश गर्नुहोस्
यस अध्ययनमा संलग्न अनुसन्धानकर्ताहरूले नियमित रूपमा दाँत माझ्ने र फ्लस गर्ने गरेको बताएका छन्। यसले पिरियडोन्टल रोग मात्र होइन, टाउको र घाँटीको क्यान्सरलाई पनि रोक्न मद्दत गर्दछ। मुखको स्वास्थ्यमा लापरवाही गर्नुहुँदैन ।
