पोखरा, १२ पुस । दोश्रो राष्ट्रिय ज्येष्ठ नागरिक दिवसको अवसरमा पोखरा वृद्धाश्रममा आश्रित १०४ वर्षीय नन्दलाल दाहाललाई नगर पिता घोषणासहित सम्मान गरिएको छ । माछापुच्छ्र«े गाउँपालिकाको लाहाचोकमा वि.स. १९७५ मा जन्मनु भई पोखरा २१ मा मजदुरी गर्दै १४ वर्षदेखि पोखरा बृद्धाश्रममा वस्दै आउनु भएका दाहाललाई आश्रममा आयोजित एक समारोहका बीच सम्मान गरिएको हो ।
पोखरा महानगरपालिका सामाजिक विकास महाशाखाको आयोजना एंव पोखरा २१ र वृद्धाश्रमको समन्वयमा भएको कार्यक्रममा उहाँलाई सामाजिक समिति संयोजक एवम् पोखरा १७ का वडाअध्यक्ष राधिका शाही योगीले ११ हजार रुपैयाँ नगदसहित दोसल्ला र सम्मानपत्रले सम्मान गर्नुभएको हो ।“हामी सवैको सरोकार ज्येष्ठ नागरिकको अधिकार” भन्ने नाराका साथ आयोजित कार्यक्रममा उहाँले २०५१ सालमा तत्कालीन सरकारले सामाजिक सुरक्षा भत्ता शुरु गरेको दिनलाई आधार मानेर गत वर्षदेखि राष्ट्रिय ज्येष्ठ नागरिक दिवस मनाउन शुरु गरिएको जानकारी दिनुभयो ।
पोखरा महानगरपालिकाले ज्येष्ठ नागरिकको सुविधाका लागि ३३ वटै वडामा ज्येष्ठ नागरिक सेवा केन्द्र सञ्चालनका लागि प्रत्येक वडाको लागि १० लाख रुपैयाँका दरले बजेट विनियोजना गरेको बताउनुभयो ।कार्यक्रममा पोखरा २१ वडा अध्यक्ष दीपक सुवेदीले आप्mना जन्मदाता बुबा आमाको समेत उचित सेवा पु¥याउन नसकेको हाम्रो समाजमा ४६ जना विपन्न, असहाय ज्येष्ठ नागरिकको पालन पोषण गरेर वृद्धाश्रमले महत्वपूर्ण भूमिका खेल्दै आएको बताउनुभयो ।
बृद्धाश्रमका अध्यक्ष कुसुमकेशव पराजुलीले आश्रममा हाल वृद्ध आमा बुवा र सेवक सेविकासहित ५५ जना रहेको बताउँदै वृद्धाश्रम दाताको सहयोगबाट सञ्चालन हुदै आएको जानकारी दिनुभयो ।उहाँले ज्येष्ठ नागरिकको सीपलाई उपयोग गर्दै आश्रममा गुन्द्रुक र मस्यौरा बनाउने कार्यक्रमको समेत सञ्चालन भएको बताउनुभयो । अध्यक्ष पराजुलीले भन्नुभयो, “उत्पादित वस्तुको प्याकेजिङ गरि बजारमा बिक्री गरिने तयारी भईरहेको छ ।”
कार्यक्रममा पोखरा महानगर सामाजिक विकास महाशाखा प्रमुख गीता न्यौपाने, पोखरा बृद्धाश्रमका कोषाध्यक्ष धर्म गुरुङ लगायतले ज्येष्ठ नागरिक दिवसको महत्वको बारेमा चर्चा गर्नुभएको थियो ।
