पोखरा, १ पुस । पोखरा महानगरपालिकाका प्रमुख धनराज आचार्यले सात तालको बगैंचा शहर लेखनाथका ताल तथा प्राकृतिक सम्पदालाई संरक्षण गर्दै स्वदेशी तथा विदेशी पर्यटकलाई लोभ्याउनु पर्नेमा जोड दिनुभएको छ ।
होटल तथा रेष्टुरेण्ट एशोसियसन लेखनाथको छटौं अधिवेशन तथा १५ औं वार्षिक साधारण सभालाई बिहीबार सम्बोधन गर्दै प्रमुख आचार्यले पोखरा भित्र रहेका नौ वटै ताललाई जोड्ने गरी सडक विस्तार गर्न र ताल तलैयालाई पर्यटन आर्कषणको केन्द्र विन्दु वनाउनका लागि तालको उचित रुपले मापदण्ड कायम गरी पर्यटन प्रवद्र्धनमा जोड दिनेखालका योजना ल्याउने तयारी महानगरपालिकाले गरेको जानकारी दिनुभयो ।
साथै सम्पन्न अधिवेशनबाट होटल तथा रेष्टुरेण्ट एशोसियसन लेखनाथको अध्यक्षमा वीरभद्र कँडेल चयन हुनुभएको छ । बिहीबार सम्पन्न १५ औं वार्षिक साधारण सभा तथा छैटौं अधिबेशनले दुई वर्षे कार्यकालका लागि कँडेलको अध्यक्षतामा नयाँ कार्यसमिति चयन गरेको हो । त्यस्तै समितिको उपाध्यक्षमा कमला लामिछाने, महासचिवमा सुरेश लामिछाने, सचिव विष्णुहरि सुवेदी, र कोषध्यक्षमा शक्तिश्री कोइरााला चयन हुनुभएको हो ।
समितिको सदस्यहरुमा अर्जुन भण्डारी, मुक्ति सुबेदी, जमुना लामिछाने,, रुपसरा लालचन, प्रकाश सापकोटा र शंकर कँडेल रहेका छन् । समितिको आमन्त्रित सदस्यमा हरिवाबु थापा र संजीव जलारी छन् ।
