इस्लामाबाद: अन्तर्राष्ट्रिय क्रेडिट मूल्याङ्कन एजेन्सीहरूले आफ्नो दृष्टिकोणलाई नकारात्मक र ऋण मूल्याङ्कनलाई जंक स्थितिमा डाउनग्रेड गरेपछि पाकिस्तानको कर्जा विकल्पहरु सीमित भएका छन्, विज्ञहरूले शनिबार टक शो द रिभ्युमा छलफल गरेका थिए ।
एन्करपरसन शाहबाज राणाले यो अवस्थाले फ्लोटिंग युरोबन्डको ढोका झण्डै बन्द गर्नुका साथै देशको ऋण खर्च पनि बढाएको बताए । गत डिसेम्बर ५ मा १ अर्ब डलर सुकुक चुक्ता गर्नु अघि विदेशी मुद्रा सञ्चिति ८ अर्ब डलरभन्दा तल झरेको बताँउदै एकजना प्रख्यात आर्थिक विज्ञले अब इस्लामावादमा आइएमएफको मिसन हुनु निकै महत्वपूर्ण भएको बताएका थिए ।
राणाले चालू आर्थिक वर्षमा सरकारले बहुपक्षीय निकायबाट ७ अर्ब ७ करोड रुपैयाँ ऋण प्रवाह हुने अनुमान गरेको बताए । चार महिनामा २.३ अर्ब डलर अर्थात ३० प्रतिशत निकासा भएको उनले बताए । एन्करपर्सनले विश्व बैंकको करिब १.१ अर्ब डलरको बजेट सहायता ऋण बाँकी छ भन्दै उनका अनुसार पाकिस्तानले ४५ करोड डलर ऋणका लागि सर्त पूरा गरेको दाबी गरेको छ तर अहिलेसम्म विश्व बैंकको बोर्ड बैठकको मिति तय भएको छैन ।
