घर बनाउँदा यी कुरामा ध्यान दियो भने भाग्य चम्किन्छ

हामी सबैले मेहनतको रकम घरजग्गामा प्रयोग गर्दछौँ तर वर्षौंको मेहनत खर्चेर बनाइएको घरमा भने थोरै मात्र होस्, पु¥याइएन भने त्यसले कलह उत्पन्न गर्न सक्छ । त्यसैले मानिसले घर बनाउँदा बास्तुशास्त्र अनुसार बनाउन उत्तम हुन्छ ।
१. घरको दक्षिण र पश्चिम दिशाका पर्खाल, उत्तर र पूर्व दिशाको पर्खालभन्दा केही अग्लो र मोटो हुनुपर्छ । सडकको सहतभन्दा घर केही फुटको उचाईमा हुनुपर्छ । त्यसैले घर बनाउँदा वा किन्दा सडक सतह भन्दा अग्लो घर चयन गर्नुपर्दछ । अन्यथा घरमा आर्थिक सङ्कट आउने र कलह बढ्ने सम्भावना हुन्छ ।
२. घरको दक्षिण र पश्चिम दिशामा अग्ला हुने विरुवा रोप्नुपर्दछ । यसले घरमा समृद्धि ल्याउँछ र रुखको शितलताले घरपरिवारमा सकारात्मक भावको विकाश गर्छ । दक्षिण पश्चिम दिशामा अग्ला रुख हुदाँ खस्किएको आर्थिक अवस्थालाई समेत स्थिर अवस्थामा ल्याउँछ । साथै दुर्भाग्य हटाई परिवारमा सङ्कट आउन दिँदैन ।
३. घरको मध्य भाग खालि हुने गरी बनाउनुपर्छ । घरको बिच भागलाई ब्रह्मको स्थान मानिन्छ । त्यसैले घरको बीच भागमा कुनै निर्माण गर्नुहँुदैन साथै कुनै वजनदार भारी बस्तु समेत राख्नु हुँदैन । यदि नमिल्दो भएमा मन्दिर निर्माण गर्नु उत्तम हुन्छ ।
४. घरको भण्डार वा सामग्री राखिने कोठा सकेसम्म दक्षिण पश्चिम नभए पश्चिम दिशामा मात्र बनाउनुपर्छ । भण्डार कोठा दक्षिण पश्चिम दिशामा भए यसले परिवारमा समृद्धि बढाउँछ । भण्डार कोठामा पकाइएका खानेकुराहरु धेरै दिन राख्नुहुदैन । कुहिने बस्तु भए त्यसलाई घर बाहिर फ्याँक्नुपर्दछ ।
५. घरका सबै ढोका तथा झ्यालहरुको नियमति सफाई हुनुपर्दछ । घर भित्र पर्ने मुख्य प्रवेशद्वारमा सदैव फोहोर थुपार्नुहँुदैन । घरका ढोका र झ्यालबाट लक्ष्मीको प्रवेश हुने भएकाले ती स्थानहरु सफा राख्न जरुरी छ । ढोका तथा झ्यालमा फोहोर भएमा त्यसले सञ्चित धनमा समेत हानी गर्दछ ।
६. घर भित्र प्रवेश गर्ने मुख्य द्वार वा ढोका सुख, समृद्धि र सम्पन्नता भित्राउने मार्ग हो । त्यसैले यसलाई आर्कषक बनाउन र सजाउनुपर्दछ । जसले घर भित्र प्रवेश गर्दा मानिसलाई सकारात्मक सोचको विकाश गर्छ । घरको अगाडि उज्जालो स्थानमा निवास वा अन्य नाम दिएर नेमप्लेट राख्नु पनि उत्तम हुन्छ ।
७. पक्षिंमैत्री घर हुनुपर्छ
– युद्ध, अपराध तथा हत्या–हिंसाका तस्बिर टाँस्नु हुँदैन ।
– घरको अगाडि तुलसीको बोट लगाउनु शुभ हुन्छ ।
– भूमिको पूजा घर बनाउनुअघि नै गर्नुपर्छ र यसका साथै घर निर्माण गर्नुभन्दा पहिले या बनिसकेको भवनमा वास्तुशास्त्रीको सल्लाह लिएर उचित कार्य गर्न सकिन्छ ।