काठमाडौं।काठमाडौं उपत्यकामा आइतबार पनि प्रदूषण उच्चस्तरमा छ। ‘‘एयर क्वालिटी इन्डेक्स’’का अनुसार विश्वका प्रदूषित शहरको सूचीमा काठमाडौं दोस्रो स्थानमा छ।
काठमाडौंको वायु गुणस्तर सूचकाङ्क (एक्यूआई) आज १८८ छ। एक्यूआई एक सयभन्दा माथि भएमा वायु अस्वस्थकर मानिन्छ ।
पहिलो नम्बरमा भारतको नयाँ दिल्ली शहर छ। नयाँ दिल्लीको एक्यूआई ५१२ छ।
देशका अधिकांश भूभागमा लागेको आगलागी र डढेलोले प्रदुषणको मात्रा बढेको छ।
यस्तै पश्चिमी वायुको आशिंक प्रभावले तापक्रमको मात्रा भने कम भएको छ। सबैभन्दा उच्च तापक्रम पुग्ने भैरहवा, जनकपुर, धनगढी, सिमरा लगायतका स्थानको अधिकतम तापक्रम ३८ डिग्री सेल्सियस भन्दामाथि पुगेको छैन।
आइतबार पनि ती स्थानमा सोही अनुपातमा तापक्रम पुग्ने अनुमान गरिएको मौसमविद् गङ्गा नगरकोटीले जानकारी दिइन्।
