कहिलेकाहीँ खान मन नलाग्नु समस्या होइन तर हप्तादिन भन्दा लामो समयसम्म यो समस्या रहिरहेमा यसलार्ई स्वास्थ्य समस्याको रुपमा लिनुपर्ने हुन्छ ।
यो समस्या लामो समयसम्म रहेको खण्डमा शरीरमा पौष्टिक तत्वको कमी हुने र शरीर कमजोर हुने गर्छ । तसर्थ यसलाई बेलैमा उपचार गरिहाल्नु बुद्धिमानी हुन्छ ।
घरेलु समाधान
– ३–४ ग्राम अदुवामा नुन र कागती मिसाएर खाना खानुभन्दा एक घण्टा अगाडि चपाउनाले भोक जगाउन सघाउँछ ।
– भुइँकटहरमा खाना पचाउने इन्जाइम हुने हुनाले यसले भोक जगाउँछ । यसैले यसको सेवन अत्यन्तै लाभदायक हुन्छ ।
– खाना खानुभन्दा आधा घण्टाअगाडि गोलभेँडाको सुप पिउनाले फाइदा गर्छ ।
– सलादहरु जस्तैः काँक्रो, मुला, गोलभेँडा, प्याज, बन्दा, गाँजर आदिमा विरेनुन र कागती मिलाएर खानासँगै खानु लाभदायक हुन्छ ।
– तितो खानेकुराले भोक जगाउँछ । जस्तैः करेला, घ्यूकुमारी, मेथी ।
– अनारको जूसमा मच र बिरेनुन मिलाएर पिउनाले भोक जगाउँछ ।
– नुन र मरिच मिसाइएको अम्बा र आलुबखडा पनि हीतकर मानिन्छ ।
साभारः ‘एकसे एक उपचार’ पुस्तकबाट
