काठमाडौँ – साताको पहिलो कारोबार दिन आज नेपाली बजारमा सुनको मूल्य बढेको छ । नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला एक लाख २० हजार ८०० रुपैयाँ र तेजाबी सुन एक लाख २० हजार २०० रुपैयाँमा कारोबार भइरहेको छ।
गत शुक्रबार छापावाल सुन प्रतितोला एक लाख १९ हजार र तेजाबी सुन एक लाख १८ हजार ४५० रुपैयाँमा कारोबार भएको थियो । शुक्रबारको तुलनामा आजको मूल्य तोलाको १ हजार ८०० रुपैयाँले बढी हो । जुन अहिले सम्मकै उच्च मूल्य हो ।
त्यस्तै आइतबार चाँदीको मूल्य पनि बढेको छ । शुक्रबार तोलाको १५ सय ४० रुपैयाँमा कारोबार भएको चाँदी आइतबार तोलामा ५ रुपैयाँले बढेर १५४५ रुपैयाँमा कारोबार भइरहेको महासंघले जनाएको छ।
