प्रहरीले यही मंसिर ७ गते व्यवसायी दुर्गा प्रसाईंको समूह र नेकपा (एमाले) निकट युवा संघले गर्न लागेको प्रदर्शनलाई ध्यानमा राख्दै सुरक्षा व्यवस्थामा कडाइ गरेको छ ।
यसक्रममा प्रहरीले काठमाडौंका पार्टी प्यालेस, धर्मशाला र सार्वजनिक स्थलहरूमा निगरानी बढाएको छ।
दुर्गा प्रसाईं समूहले राजधानीबाहिरबाट मान्छे ल्याउने र यस्ता स्थानमा आपराधिक गतिविधिमा संलग्न भएका व्यक्तिहरूसमेत छिर्ने सम्भावना रहेको भन्दै सुरक्षा स्थितिलाई ध्यानमा राखेर प्रहरीले निगरानी बढाएको हो।
प्रहरीका अनुसार विभिन्न धार्मिक समूहले पनि प्रसाईंको आन्दोलनमा साथ दिएको सूचना पाएसँगै धार्मिक दंगा र हिंसा नभड्कियोस् भनेर सार्वजनिक पाटीपौवा, धर्मशाला, पार्टी प्यालेसलगायतका स्थानलाई उच्च निगरानीमा राखिएको हो।
