कब्जियत भनेको दिसा गर्दा आउने समस्या हो । यो समस्याले जुनसुकै उमेरका मान्छेलाई पनि सताउन सक्छ । लामो समयसम्म यो समस्या छ र यसको कुनै उपचार गरिएन भने यो गम्भीर रोगमा परिणत हुन्छ । घरैमा बनाउन मिल्ने केही जुसहरू छन् जसले कब्जियतको समस्याबाट सजिलै छुटकारा दिलाउँछन् —
१. ६ वटा सुक्खा जामुनलाई पाँच मिनेटसम्म एक कप तातो पानीमा भिजाउने । त्यसपछि त्यसको बिउ निकाल्ने र ब्लेन्डरमा राखेर मजाले पिस्ने । त्यसमा आधा चम्चा मह र आधा चम्चा जीराको धूलो हाल्ने अनि फेरि एकचोटि ब्लेन्डर चलाउने । जुस तयार भयो ।
२. दुईवटा नासपातीका सानासाना टुक्रामा काट्ने र ब्लेन्डरमा पिस्ने । पिसेपछि एउटा गिलासमा रस निकाल्ने । त्यसपछि गिलासमा दुई चम्चा कागतीको रस र एक चिम्टी बीरेनून हाल्ने । जुस तयार भयो ।
३. सबभन्दा पहिला एउटा स्याउ सानो सानो टुक्रामा काट्ने र ब्लेन्डरमा पिस्ने । त्यसपछि यसमा आधा कप पानी हालेर फेरि एकचोटि ब्लेन्डरमा पिस्ने । जुसलाई एउटा गिलासमा निकालेर त्यसमा आधा चम्चा सूपको धूलो हाल्ने र राम्ररी घोल्ने । जुस तयार भयो ।
४. सुन्तलालाई ब्लेन्डरमा हालेर त्यसको रस एक कप निकाल्ने । त्यसपछि गिलासमा सुन्तलाको रस हाल्ने र एक चिम्टी बीरेनून घोल्ने । सुन्तलाको जुस तयार भयो ।
५. एक गिलास तातो पानीमा आधा कागतीको रस, एक चम्चा मह र आधा चम्चा जीराको धूलो हालेर मज्जाले घोल्ने । कागतीको जुस तयार भयो ।
यी जुसहरूमध्ये कुनै एक जुस बनाएर पिउँदा पनि कब्जियत भगाइदिन्छन् ।
