लन्डन– लन्डनको प्रमुख पर्यटकीय आकर्षण मध्येको एक, ब्रिटिश संग्रहालयका निर्देशकले आफ्नो पदबाट राजीनामा दिएका छन् ।
अघिल्लो शनिबार चोरी भएका २ हजार कलाकृतिहरू मध्ये केही बरामद भएको अवस्थामा उनले राजीनामा दिएका हुन् । सो ब्रिटिस म्युजियममा हजारौँ बहुमूल्य कलाकृतिहरू राखिएका थिए । जसमध्ये केही चोरी भएपछि नैतिकताको आधारमा उनले राजीनामा दिएका हुन् ।
हार्टविग फिशरले आफ्नो राजीनामाको घोषणा गर्दै उनले भने, ‘सो घटनामा अन्ततः म दोषी छु, नेतृत्वको हिसाबले यसको दोषी भागिदारी हुन चाहन्छु ।’
संग्रहालयको बोर्ड अफ ट्रस्टीका अध्यक्ष जर्ज ओसबोर्नले शनिबार सञ्चारमाध्यमलाई भने, ‘हामीले चोरी भएका केही सामानहरू बरामद गर्न थालिसकेका छौँ, हामी विश्वास गर्छौँ कि हामी धेरै लामो समयदेखि पाइरेसीको शिकार भएका छौँ र स्पष्ट रूपमा तिनीहरूलाई रोक्न धेरै गर्न सकिन्छ ।’
फिशरको राजीनामा एक हप्ता भन्दा पछि आएको छ । जसमा संग्रहालयका एक कर्मचारीलाई संग्रहालयको भण्डारण कोठाबाट धेरै खजानाहरू चोरी भए पछि कानुनी कारबाहीमा निलम्बन गरिएको थियो।
