काठमाडौं । नेपाली कांग्रेसले आगामी मङ्सिर ४ गते हुने प्रतिनिधिसभा र प्रदेशका लागि पार्टीको चुनावी संकल्पपत्र ९घोषणापत्र० सार्वजनिक गरेको छ ।
कांग्रेस पार्टी सभापति एवं प्रधानमन्त्री शेरबहादुर देउवाले पार्टी केन्द्रीय कार्यालय सानेपामा आज आयोजित पत्रकार सम्मेलनमार्फत सो संकल्पपत्र (घोषणापत्र) सार्वजनिक गरेका हुन् । घोषणापत्रमा ‘संविधानको रक्षा, स्थायित्व र समुन्नतिसहितको आधारः नेपाली कांग्रेसको नेतृत्वमा अबको सरकार’ भन्ने मूल नारा रहेको छ ।
साथै समसामयिक राजनीति, निरन्तरतामा नवीनता, सम्मुन्नत नेपालको मार्गचित्रलगायतका विषयवस्तु समेटिएको छ । संकल्पपत्र तयारी समितिका संयोजक विश्वप्रकाश शर्माले बिपीकालीन दस्तावेजदेखि स्थानीय तहसम्म पार्टीका तर्फबाट घोषणा गरिएको विषयवस्तुका आधारमा घोषणापत्र तयार गरिएको बताए ।
कांग्रेसले काठमाडौँको टोखादेखि नुवाकोटसम्म जोड्ने टोखा–छहरे–कबिलास सुरूङमार्ग पाँच वर्षभित्रै निर्माण सम्पन्न गर्ने प्रतिवद्धता जनाएको छ । शनिबार कांग्रेसले आगामी चुनावका लागि संकल्प प्रस्ताव सार्वजनिक गर्दै सुरूङमार्ग निर्माण प्राथमिकतामा राखेको हो ।
कांग्रेसले घोषणा पत्रमा कांग्रेसलले ३।३।१ मा यातायात शीर्षकमा उच्च प्राथमिकताका साथ टोखा(छहरे(कबिलास सुरूङमार्ग पाँच वर्षभित्रै निर्माण सम्पन्न गर्ने उल्लेख गरेको छ । सभापति शेरबहादुर देउवाले शनिबार महामन्त्री विश्वप्रकाश शर्मा र प्रवक्ता डा प्रकाशरण महतलाई दायाँवायाँ राखेर कांग्रेसको घोषणापत्र सार्वजनिक गरेका छन ।
कांग्रेसले घोषणापत्रमा उच्च प्राथमिकतामा राखेका अन्य सुरूङमार्गहरूमा नागढुंगा(सिस्नेरी सुरूङमार्ग, सिद्धबाबा सुरूङमार्ग, काठमाडौँ निजगढको सडकमा पर्ने सुरूङमार्ग, दुम्किवास–बर्दघाट सुरूङमार्ग, माझिटार–शक्तिखोर सुरूङमार्ग, खुर्कोट–चियाबारी सुरूङमार्ग, ब्याउलिढुंगा–इमिल्चाखोला सुरूङमार्ग, सुर्खेत–रानीघाट–भुरिगाउँ सुरूङमार्ग रहेका छन ।
