काठमाडौं । निर्देशक निर्माता सुदर्शन थापा अहिले नयाँ चलचित्र ‘रावायण’ निर्माणमा जुटेका छन् । चलचित्रको अहिले पोस्ट प्रोडक्सनको काम चलिरहेको छ ।
सुदर्शन थापा प्रोडक्सनको निर्माणाधीन चलचित्र ‘रावायण’ मा अनमोल केसी र नीति शाहको केमेस्ट्री दर्शकले देख्न पाउने भएका छन् । चलचित्र निर्माणको घोषणा भएसँगै अनमोल केसी अनुबन्धित भएको बताइएको थियो । तर अभिनेत्री भने बिहीबार मात्र फाइनल भएकी हुन् । चर्चित मोडेल नीति केही समय अभिनय प्रशिक्षणका लागि भारतको मुम्बई जाने तयारी छिन् ।
‘रावायण’ मा अनमोलको दोहोरो भूमिका रहने बताइएको छ । प्रेमकथा र पारिवारिक चलचित्र बनाउन खप्पिस सुदर्शनले पहिलेपटक अनमोललाई लिएर चलचित्र बनाउन लागेका हुन् । ‘रावायण’ मा अन्य कलाकार छनोटको काम तीव्र ढंगले अघि बढेको निर्मात्री सुप्रिया कटुवालले जानकारी दिइन् ।
