समस्याहरुलाई झेल्न असम्भव हुँदा त्यसबाट भाग्न सबैभन्दा सजिलो देखिन्छ । कामकुरा, बिहेवारी, नातासम्बन्ध जस्ता निजी र व्यक्तिगत सबैजसो पक्षमा यो लागू हुन्छ । विजेतामा पनि त चोट लाग्छ, तर उनीहरु हताश हुँदैनन् ।
जीवनमा हामी सबैले बाधा, अप्ठेरोको सामना गर्नुपर्ने अवस्थाहरु आउँछन् । आउनु र सामना गर्नुपर्ने नै असफलता होइन । यो सोच हामीमा छ भने त्यो गलत हो । दृढता र जिद्दीपनबीच के अन्तर छ ? दृढताले बलियो इच्छाशक्ति जनाउँछ भने जिद्दीपनले बलियो अनिच्छाको प्रतिनिधित्व गर्छ । धेरैजसो मान्छेहरु ज्ञान अथवा प्रतिभाको कमीले गर्दा असफल बनेका हुँदैनन् । प्रयत्नै छोडिदिएका कारणले उनीहरु असफल बनेका हुन्छन् ।
दृढता र प्रतिरोध यी दुई शब्दमा सफलताको सम्पूर्ण मर्म छिपेको छ । जुन कामकुरो गर्न आवश्यक छ त्यसमा दृढ बन्नोस् । जुन कामकुरो गर्नुहुँदैन, त्यसको चाहिँ डटेर प्रतिरोध गर्नाेस् ।
साभारः ‘तपाईंको जीत’ पुस्तकबाट
