नयाँ दिल्ली– भारतको गृह मन्त्रालयले हरियाणाको गुरुग्राममा जुलाई १३ देखि १४ सम्म जी–२० अन्र्तगत नन—फन्जिबल टोकन, आर्टिफिसियल इन्टेलिजेन्स र मेटाभर्सको समयमा अपराध र सुरक्षामा सम्बन्धि सम्मेलन आयोजना गर्ने भएको छ ।
दुई दिने सम्मेलनमा जी–२० देशहरू, नौ विशेष आमन्त्रित देशहरू र विश्वभरका डोमेन विशेषज्ञहरू सहभागि हुनेछन्। भारत सरकारका मन्त्रालयहरू र संगठनहरू, मुख्य सचिवहरू, राज्यहरू र केन्द्र शासित प्रदेशहरू, राज्यहरू र केन्द्र शासित प्रदेशहरूका प्रहरी महानिदेशकहरू, साइबर विशेषज्ञहरू र कानुन विज्ञ, शिक्षाविद्, प्रशिक्षण संस्थाहरूको प्रतिनिधित्व गर्ने अतिथि वक्ताहरूको पनि सहभागिता हुनेछ।
वित्तीय मध्यस्थ, फिनटेक, सोशल मिडिया मध्यस्थ, सूचना र सञ्चार प्रविधि, साइबर फोरेन्सिक, नियामकहरू, स्टार्टअपहरूको पनि सहभागिता रहने छ । । यो कार्यक्रम इलेक्ट्रोनिक्स र सूचना प्रविधि मन्त्रालय, विदेश मन्त्रालय, राष्ट्रिय सुरक्षा परिषद् सचिवालय र केन्द्रीय अनुसन्धान ब्यूरोसँगको साझेदारीमा आयोजना हुनेछ।
राष्ट्रिय रक्षा विश्वविद्यालय, नेशनल फरेन्सिक साइन्स युनिभर्सिटी, नेशनल ल स्कूल अफ इन्डिया युनिभर्सिटी, इन्टरपोल र यूएनओडीसी आयोजक साझेदार हुन्।
