आर्थिक गतिविधि अध्ययन प्रतिवेदन सार्वजनिक भएको छ। नेपाल राष्ट्र बैंकले चालु आर्थिक वर्ष २०७९/८० को साउनदेखि पुससम्मको तथ्याङ्कमा आधारित अर्धवार्षिक आर्थिक गतिविधि अध्ययन गरेर मङ्गलबार प्रतिवेदन सार्वजनिक गरेको हो।
चालु आर्थिक वर्षको पुस मसान्तसम्ममा प्रमुख कृषि बाली ९खाद्य तथा अन्य बाली र तरकारी एवं फलफूल तथा मसला० को उत्पादन ४ दशमलव ३ प्रतिशतले बढेको छ। यस्ता बालीले ढाकेको भूक्षेत्र भने २ दशमलव १ प्रतिशतले घटेको छ।
खाद्य तथा अन्य बालीको उत्पादन मात्र ५ दशमलव ७ प्रतिशतले बढेको छ। त्यस्तै तरकारी तथा बागवानीको उत्पादन साढे ४ प्रतिशतले बढेको छ। फलफूल र मसलाको उत्पादनमा भने क्रमशः ५ दशमलव २ प्रतिशत र ८ दशमलव ४ प्रतिशतले घटेको छ।
प्रतिवेदनअनुसार पशुजन्य उत्पादनअन्तर्गत दूध उत्पादन १ दशमलव ४ प्रतिशत र मासु उत्पादन १ दशमलव ७ प्रतिशतले वृद्धि भएको छ। त्यस्तै अर्धवार्षिक अवधिमा अण्डा उत्पादन २६ दशमलव ३ प्रतिशतले घटेको छ। वनजन्य उत्पादनअन्तर्गत काठ उत्पादन १६ दशमलव २३ प्रतिशतले र औषधिजन्य वस्तुको उत्पादन सात दशमलव चार प्रतिशतले बढेको प्रतिवेदनमा उल्लेख छ।
चालु आर्थिक वर्षको पुस मसान्तसम्ममा उद्योगको क्षमता उपयोग औसतमा ४३ दशमलव ७ प्रतिशत रहेको छ। यो अवधि बैंक तथा वित्तीय संस्थाले प्रवाह गरेको कूल कर्जामा औद्योगिक क्षेत्रमा प्रवाह भएको कर्जाको अंश २७ दशमलव ९ प्रतिशत रहेको छ।
पुस मसान्तसम्ममा घरजग्गा रजिष्ट्रेशन सङ्ख्या ५० दशमलव ०३ प्रतिशतले घटेर १ लाख ९६ हजार ५ सय ९५ कायम भएको र जग्गा रजिस्ट्रेशनबाट प्राप्त हुने राजस्व रु।९ अर्ब ९० करोड पुगेको प्रतिवेदनमा जनाइएको छ। घर तथा भवनको स्थायी नक्सा पास सङ्ख्या ३७ दशमलव ५ प्रतिशतले घटेको छ।
वि।सं। २०७८ पुस मसान्तको तुलनामा २०७९ पुस मसान्तसम्ममा बैंक तथा वित्तीय संस्थाको निक्षेप ९ दशमलव १ प्रतिशतले र कर्जा प्रवाह ४ दशमलव १ प्रतिशतले वृद्धि भएको छ। बैंक तथा वित्तीय संस्थाको कूल निक्षेप र कर्जामा बागमती प्रदेशको अंश क्रमशः ६९ दशमलव ४ प्रतिशत र ५५ दशमलव ६ प्रतिशत रहेको छ। निक्षेप र कर्जामा कर्णाली प्रदेशको हिस्सा सबैभन्दा कम क्रमशः १ दशमलव २ प्रतिशत र १ दशमलव २ प्रतिशत रहेको छ।
वि।सं। २०७८ पुस मसान्तको तुलनामा २०७९ पुस मसान्तसम्ममा दर्ता भएका कुल सवारी साधनको सङ्ख्या ४ दशमलव १ प्रतिशतले वृद्धि भएको छ। पूर्वाधार क्षेत्रमा चालु आर्थिक वर्षको पहिलो ६ महिनासम्ममा ३४ हजार ७५ किलोमिटर सडक र ३ हजार १८ पुल निर्माण भएको प्रतिवेदनमा उल्लेख छ।
यो अवधिसम्ममा अन्तर्राष्ट्रिय उडानतर्फ ३ वटा नेपाली वायुसेवा र २९ वटा विदेशी वायुसेवा गरी ३२ वटा वायुसेवा कम्पनीले विभिन्न गन्तव्यमा उडान सञ्चालन गरिरहेका छन्। सबै मौसममा सञ्चालनमा रहने विमानस्थलको सङ्ख्या ३३ रहेको छ।
