काठमाडौं । नेपालका प्रधानमन्त्री पुष्पकमल दाहाल ९प्रचण्ड० र भारतका प्रधानमन्त्री नरेन्द्र मोदीको समुपस्थितिमा भारतको राजधानी नयाँ दिल्लीमा बिहिबार नेपालमा पेट्रोलियम पाइपलाइन तथा ग्रीन फिल्ड टर्मिनल निर्माण गर्ने द्विपक्षिय संझौता भएको छ ।
चार दिने भारत भ्रमणका क्रममा भारत पुगेका नेपालका प्रधानमन्त्री र भारतीय प्रधानमन्त्री नरेन्द्रमोदीले भारतको हैदरावाद हाउसमा आयोजित संयुक्त पत्रकार सम्मेलनमा नेपाल र भारतबीचको सम्बन्ध सुधार गर्नका लागि विभिन्न आठ बुद्धामा सम्झौता गरेका छन् ।
नेपाल र भारतबीच बिहिबार निगमको मधेश प्रादेशिक कार्यालय, अमलेखगंजदेखि चितवनको लोथरसम्म तथा इण्डियन आयल कर्पोरेसनको सिलिगुडी टर्मिनलदेखि नेपालको चारआली, झापासम्म पेट्रोलियम पाइपलाइन भारत सरकारको लगानी सहयोगमा निर्माण गर्ने सहमति पत्रमा हस्ताक्षर भएको छ ।
यस्तै भारत सरकारको लगानी सहयोगमा झापाको चारआलीमा ग्रीन फिल्ड टर्मिनल निर्माण गर्ने , नेपाल आयल निगम लिमिटेडले आफ्नै लगानीमा चितवनको लोथरमा ग्रीन फिल्ड टर्मिनल निर्माण गर्ने विषयमा हस्ताक्षर भएपछि नेपाल आयल निगम आशावादी बनेको छ ।
