बेइजिङ— चीनका युवाहरूको बेरोजगारी दरको संख्या बढ्दै गएको छ । यस्तै, स्नातक गर्नेको संख्या दिन प्रतिदिन बढ्दै गएको छ ।
चीनको शिक्षा मन्त्रालयका अनुसार जुनमा ११.६ मिलियन कलेज विद्यार्थीहरूले स्नातक उर्तिण गर्ने अपेक्षा गरिएको छ । यो जुन २०२२ को तुलनामा ८, २०,००० ले बढी भएको , द स्ट्रेट टाइम्सले उल्लेख गरेको छ।
सरकारी तथ्याङ्क अनुसार अप्रिलमा जागिर खोज्ने १६ देखि २४ वर्ष उमेर समूहका २०.४ प्रतिशत रहेको उल्ले छ । पछिल्लो समय पाँचमध्ये एक चिनियाँ स्नातक बेरोजगार छन्, जुन चीनले २०१८ मा यस्तो तथ्याङ्क घोषणा गर्न थालेदेखिकै उच्च स्तर हो, द स्ट्रेट टाइम्सले रिपोर्ट गरेको छ।
२१ वर्षीया शु जियाङले फेब्रुअरीमा जागिर खोज्न थालेकी थिइन् र अझै पनि पाएकी छैनन्। उनले भनिन्, ‘म जागिर पाउनेमा त्यति विश्वस्त छैन । उच्च युवा बेरोजगारी धेरै वर्षदेखि चीनको अर्थतन्त्रमा कालो दाग बनेको छ, कडा कोभिड—१९ महामारीको स्वास्थ्य प्रतिबन्धले बढेको छ जसले यात्रालाई सीमित पारेको छ, साना व्यवसायहरूलाई ध्वस्त पारेको छ र उपभोक्ताको विश्वासमा क्षति पुगेको छ।
डिसेम्बरमा शून्य—कोभड नियमहरूको नीतिहरू सहज बनाउन सुरु गर्ने घोषणा गरेपछि पनि, युवा बेरोजगारी दर उच्च रहेको छ, किनकि समग्र दर लगातार दुई महिनामा घटेको छ, द स्ट्रेट टाइम्सले रिपोर्ट गरेको छ।
समग्रमा, चिनियाँ अर्थतन्त्र धेरैले विश्वास गरेभन्दा धेरै ढिलो र असमान रूपमा स्थिर छ। विश्लेषकहरूले एउटा समस्या कलेज स्नातकहरूले चाहेको रोजगारी र उपलब्ध जागिरहरू बीचको बेमेल रहेको बताएका छन्।
अनुसन्धान संस्था ‘सांघाई इन्स्टिच्युट अफ फाइनान्स एण्ड ल’का अनुसन्धानकर्ता डा नी रिमिङले उच्च शिक्षामा डिग्री लिएका युवाहरूले प्रविधिक शिक्षा र चिकित्सा क्षेत्रमा जागिर खोज्ने गरेको बताए ।
चीनमा शिक्षित युवाहरूलाई आकर्षित गर्ने उद्योगहरू घट्दै गए पनि कलेज स्नातकहरूको संख्या बढ्दै गएको छ।
