पोखरा–९ पृथ्वीचोकबाट बुधबार दिउँसो स्कुटरको डिक्कीमा राखिएको नगद ८० हजार रुपैयाँ चोरी गरेको आरोपमा प्रहरीले एक युवतीलाई पक्राउ गरेको छ । पक्राउ पर्नेमा पोखरा –९ शान्तिवन निवासी २३ वर्षीया वर्षा कामी छन् ।
पोखरा–९ को पृथ्वीचोक स्थित वाणिज्य बैंक अगाडि राखिएको पोखरा–१८ सराङकोट निवासी ४८ वर्षीय आत्मबहादुर थापाको स्कुटरको डिक्कीबाट उक्त रकम चोरी गरेको सूचनाका आधारमा सि.आर.भी प्रहरी पृथ्वीचोकले चोरी भएको दुई घण्टापछि साँझ पाँच बजे ती युवतीलाई नगदसहित पक्राउ गरेको हो ।
प्रहरीले सिसि टिभी फुटेजको आधारमा खोजतलास गरी ति महिलालाई पक्राउ गर्न सफल भएको जानकारी जिल्ला प्रहरी कार्यालय कास्कीका प्रवक्ता एवं प्रहरी नायव उपरीक्षक श्रवण कुमार विकले दिनुभयो । पक्राउ परेकी ति महिलालाई कास्की प्रहरीले बिहीबार चोरी गरेको नगदसहित सार्वजनिक गरेको छ ।
वर्षा कामीलाई चोरी सम्बन्धी मुद्दा दर्तागरी अनुसन्धानका लागि जिल्ला अदालत कास्कीबाट दश दिन म्याद थप गरिएको जानकारी प्रहरीले दिएको छ ।
