रामकृष्ण परमहंसका केही अमर वाणीहरुः
१) जीवनमा आएका अवसर व्यक्तिको साहस तथा ज्ञानको कमिका कारण हराउँछ । अज्ञानको कारण त्यो अवसरको महत्व बुझ्न सक्दैन ।
२) महानता र उदारता सँगसँगै हिँड्छन् । दिनुको अर्थ नै प्रेम गर्नु हो र प्रेम गर्नु स्नेह बाँड्नु मनुष्यको सबभन्दा ठूलो कर्तव्य हो । जे जति तिमी सहर्ष उदारतापूर्वक दिन्छौ, अप्रत्यासित तरिकाले त्यसले तिम्रो जीवनलाई समृद्ध बनाएर जानेछ ।
३) मन सस्र्युंको भाँडो जस्तै छ । एक पटक पोखियो भने त उठाउन असम्भव हुन्छ ।
४) ईश्वर जब मानवदेह धारण गेर यो संसारमा आउँछन्, तब उनलाई मानव झैँ सुख–दुःख भोग्नु पर्दछ । मानिसहरुले झैँ परिश्रम र प्रयत्न गर्नुपर्दछ । सबै विषयमा पूर्णता प्राप्त गर्नुपर्दछ ।
५) अत्यन्त व्याकुल भएर ईश्वरको पुकारा गर, अनि हेर, ती कसरी प्रकट हुँदैनन् ?
६) भगवान् भेट्नका लागि भाव अत्यावश्यक छ ।
७) हामी ईश्वरलाई साक्षात् देख्न सक्छौँ । हामी जसरी मित्रसँग बसेर गफ गरिरहन्छौँ, त्यसभन्दा पनि स्पष्ट रुपले ईश्वरसँग कुरा गर्न सक्दछौँ ।
८) उही ईश्वर, जसको तिमी सेवा गर्दछौ, तिम्रा आवश्यकता पूरा गर्नेछन् । उनले तिमीलाई संसारमा पठाउनु अघि नै तिम्रो भरण–पोषणको व्यवस्था गरेका छन् ।
९) जसवेला ईश्वरीय प्रेमको प्रचण्ड तरङ्ग विना कुनै निमित्त मनुष्यका मनमा उठ्न थाल्छन्, त्यसवेला तिनलाई हजार प्रयत्न गरे पनि पछाडि हटाउन सकिन्न ।
१०) भगवान्को शरण जसले लिएको छ, उसका पाइला डगमगाउँदैनन् ।
साभारः ‘महापुरुषहरुका अमर वाणी’ पुस्तकबाट
