घरमा झगडा हुनु सामान्य कुरा हो तर झगडाको असर लामो समयसम्म रहिरह्यो भने यसले परिवारलाई नाशसमेत गर्न सक्छ । अतः सकभर झगडा नै हुनु नदिनु राम्रो हो । यदि भइहालेमा त्यसलाई छिटोभन्दा छिटो टुङ्गो लगाउनु पर्छ । परिवारको एक सदस्यको कुरा सुनी निर्णय गर्नु हुँदैन ।
न्यायाधीशले जस्तै दुवै पक्षको कुरा राम्ररी सुनी दुवै पक्षको पचास पचास प्रतिशत दोष ठम्याउन सक्नुपर्छ । यसो गर्दा झगडाको आगोमा घ्यू थप्ने काम तत्काल बन्द हुन्छ र झगडा छिटो टुङ्गिन्छ । अर्काे कुरा ठीक हुनु भन्दा सुखी हुनु नै परिवारको लक्ष्य भएकोले को ठीक, को बेठिक छुट्याउने गल्ती गर्नु हुँदैन, बरु के गर्दा झगडा साम्य हुन्छ, त्यही भूमिका निर्वाह गर्नुपर्दछ ।
सासू र बुहारी बीचको झगडामा पनि दुवैले खोजेको कुरालाई अलग अलग सम्बोधन गरी दुवैलाई शान्त पार्ने कला सिक्नुपर्छ । जुन सुखी परिवारको आधारशीला हो र तपाईंका यही गुण छोराछोरीले पनि टिपी उनीहरुको परिवार सुखी हुुनेछ ।
साभारः ‘नव सफलता शास्त्र २’ पुस्तकबाट
