महान् अभिनेता पृथ्वीराज कपुरको पृथ्वी थिएटर कुनै बेलामा घाटामा चलिरहेको थियो । यो घाटा पूरा गर्नको लागि पृथ्वीराज कपुरले एउटा अनौठो तरिका अपनाए । उनी शो सकिएपछि ढोकामा झोला फैलाएर उभिन्थे र सबै दर्शकले श्रद्धाअनुसार केही न केही दानस्वरुप त्यसमा हालिदिन्थे । एक पटक एउटा युवालाई मजाक गर्न मन लागेछ, उसले एक मुठ्ठी धुलो उठायो र त्यो दानको रुपमा उनको झोलामा हालिदियो ।
पृथ्वीराज कपुरले उसको हात समाएर भने, साथी यो धूलोको मूल्य तिमीलाई थाहा छैन । यो भारत देशको धूलो हो, जसलाई हामी सबैले उब्जाएका हौँ । झोलामा हालेर यसको अपमान नगर । बरु यो मेरो टाउकोमा हालिदेऊ, भन्दै उनले वास्तवमा धूलोको मुठ्ठी आफ्नो टाउकोमा खन्याए ।
युवक यो कुराले धेरै लजायो र उसले आफ्नो गोजीमा भएको सबै रुपैयाँ उनलाई दानस्वरुप दियो ।
साभारः ‘प्रेरक प्रसङ्हरु’ पुस्तकबाट
