नेपाल, भारत, चीन, जापानमा प्राचीनकालदेखि खाद्यपदार्थ र औषधीका रुपमा सिलाम प्रयोग गरिँदै आएको छ । सिलाममा अत्यन्त लाभदायक ओमेगा–३ फ्याटी एसिड र पोलिफेनोल पाइन्छन् । गाउँघरमा सिलामको अचार र तेल खाने चलन छ, जसमा ६० प्रतिशतभन्दा बढी अल्फा–लिनोलेनिक एसिड (ओमेगा–३) पाइन्छ । यसको पात अनि बियाँ रुघामार्गी, खकार निर्मूलका लागि प्रयोग गर्ने चलन छ ।
एलडीएल अक्सिडेसन रोक्ने गुण भएकोले सिलाम एथेरोस्क्लोरेसिस नियन्त्रणका लाग ज्यादै लाभदायक हुन सक्ने देखिन्छ । सिलाम प्राकृतिक एन्टिट्युम एजेन्ट पनि हो । सिलाममा पाइने रोस्मारिनिक एसिडमा एन्टिइन्फ्लामेटरी गुण हुन्छ । त्यसैले सिलामले एलर्जीबाट पनि बचाउन सक्छ ।
साभारः ‘जीवन जिउने काइदा’ पुस्तकबाट
