काठमाडौं । नेपाली कांग्रेसको १५औँ महाधिवेशनअन्तर्गत
केन्द्रीय उपसभापतिका लागि खुलातर्फ डा. चन्द्रकान्त भण्डारी र ई. मधु आचार्यले अग्रता लिएका छन् भने समावेशी उपसभापतिमा विनोद चौधरीले अग्रता लिएका छन् ।
आइतबार बिहान ६: २५ बजेसम्मको अपडेट अनुसार डा. चन्द्रकान्त भण्डारीले ६४३ मत प्राप्त गरेका छन् भने मधु आचार्यले ३६२ मत प्राप्त गरेका छन् । त्यस्तौ गोविन्द भट्टराईले ३०८, सुरेन्द्रराज पाण्डेले ३०५ मत पाएका छन् । दीपक गिरीले २४८ मत, धनराज गुरुङले २२३ मत र डा. चन्द्रमोहन यादवले १२९ मत प्राप्त गरेका छन् ।
त्यस्तै उपसभापति (समावेशी) तर्फ विनोदकुमार चौधरीले ३५७ मतसहित अग्रता लिएका छन् भने जीवन परियारले ३०० मत, फरमुल्लाह मंसुरले १७७ मत, सीता गुरुङले १५७ र रञ्जित कर्णले १०० मत प्राप्त गरेका छन् ।
