बेइजिङ । चिनिँया मिडियाका अनुसार नुल आँधीको प्रभाव बढ्दै जाँदा भारी वर्षा र आँधीबेहरीको खतरा बढेकोले चिनिँया अधिकारीले दक्षिणी चीनका विभिन्न क्षेत्रबाट २० हजारभन्दा बढी मानिसलाई सुरक्षित स्थानमा स्थानान्त्रण गर्नुका साथै रेल सेवा स्थगित गरेको जनाएका छन् ।
आँधीले शनिबार साँझदेखि आइतबार बिहानसम्ममा हङकङदेखि गुआङडोङ प्रान्तसम्म फैलिएको तटीय क्षेत्रमा अवतरण गर्ने पूर्वानुमान गरिएको चीनको राष्ट्रिय मौसम विज्ञान विभागले जनाएको छ । गुआङ्गडोङ र छिमेकी फुजियान प्रान्तका केही भागमा आँधीबेहरी र भारी वर्षा हुने चेतावनी जारी भए पछि यसले शनिबार आँधीको दोस्रो उच्चतम स्तर सुन्तला चेतावनी जारी गरिएको जनाइएको छ ।
गुआङ्गडोङमा २०, हजारभन्दा बढी मानिसलाई सुरक्षित स्थानमा स्थानान्त्रण गरिएको सरकारी टेलिभिजन सिसिटिभीले जनाएको छ । प्रान्तको समुद्रमा सञ्चालित माछा मार्ने जहाज आँधीबेहरी बाट प्रभावित भएपछि शरण लिन बन्दरगाहमा फर्केको समेत सिसिटिभीले जनाएको छ ।
गुआङ्गडोङले शनिबार केही रेल सेवा स्थगित गर्ने तथा प्रान्तका सबै रेल सेवा आइतबार आँधीको प्रभव रोकिए पछि पुनः सुचारु गरिने सिसिटिभीले जनाएको छ । स्थानीय मिडिया रिपोर्टका अनुसार गुआङ्गडोङको चाओझोउ सहरका विद्यालय तथा क्याम्पसका गतिविधि स्थगित गर्न निर्देशन दिइएको थियो ।
चरम मौसमले यस महिना दक्षिणी र मध्य चीनमा विनाश गरेको जनाइएको छ भने मेसाक आधीँले गुआङ्सीमा विनाशकारी बाढी निम्त्याउँदा ३९ जनाको मृत्यु भएको उल्लेख गरिएको छ । मेसाकले मध्य हुबेई प्रान्तमा आँधीबेहरी र निम्त्याउँदा कम्तीमा ११ जनाको मृत्यु हुनुका साथै ३३१ जना घाइते भएको जनाइएको छ ।
वैज्ञानिकले जीवाश्म ईन्धन उत्सर्जनका कारण ग्रहको तापक्रम बढ्दै जाँदा विश्वव्यापी रुपमा चरम मौसम घटनाको तीव्रता बढ्ने चेतावनी दिएका छन् । चीन विश्वको सबै भन्दा ठूलो हरितगृह ग्यास उत्सर्जक हो भने विश्वव्यापी नवीकरणीय ऊर्जा पावरहाउस पनि हो जसले सन् २०६० सम्ममा आफ्नो विशाल अर्थतन्त्रलाई तटस्थ बनाउने लक्ष्य राखेको छ ।
