पेट ढुस्स फुलेर बारम्बार वायु त्याग हुनु वायुको समस्या हो । जसले पेट र जिउ भारी बनाउनुका साथै दैनिक कार्यसमेत असजिलो बनाइदिने गर्दछ ।
खानपान र जीवनशैलीलाई सुधार्ने बित्तिकै यो समस्याबाट मुक्ति पाउन सकिन्छ ।
भोजनः
– मनतातो पानीमा कागती, अदुवाको रस र मह मिसाएर पिउनाले फाइदा गर्छ ।
– केही दिन जल उपवास अथवा फलाहारमा बस्दा पेटको राम्रो सफाइ हुन्छ ।
– चोकरसहितको गहुँको आँटामा चनाको पिठो थोरै मिसाएर रोटी खानु लाभदायक हुन्छ ।
– खानालाई राम्ररी चपाएर खाने गर्नुपर्दछ ।
– ज्यादै तातो वा चिसो खाना खानु राम्रो हुँदैन ।
– हप्तामा एक दिन उपवास बस्नु, लाभदायक मानिन्छ ।
– चिया, चिनी, मैदा र तारेभुटेका खानाहरु खान बन्द गर्नुपर्दछ ।
– रातभरि पानीमा भिजाइएको मुनक्का दाख १० दाना र अन्जिर २ दाना खानाले पनि फाइदा गर्छ ।
– राति त्रिफला चूर्ण पानी सित पिउने ।
– मेवा, भुइँकटहर (दैनिक २०० ग्राम) सेवन गर्दा लाभ गर्दछ ।
– हरियो धनियाँले पनि फाइदा गर्ने हुँदा यसको सेवन गर्न सकिन्छ ।
– अदुवा, लसुन, मेथी, धुलो खुर्सानी, गाँजर, मुला आदि सलादरु लाभदायक मानिन्छन् ।
साभारः ‘एकसे एक उपचार’ पुस्तकबाट
