आज ४ प्रदेशका पहाडी र तराईका एक–दुई स्थानमा भारी वर्षा हुने सम्भावना रहेको छ । जल तथा मौसम विज्ञान विभागले सूचना जारी गर्दै कोशी, बागमती र गण्डकीका पहाडी तथा सुदुरपश्चिम प्रदेशका पहाडी र तराईका एक–दुई स्थानमा भारी वर्षा हुने जानकारी दिएको हो ।
आज दिउँसो कोशी, बागमती, गण्डकी लुम्बिनी र सुदुरपश्चिम प्रदेशका पहाडी र हिमाली भेगका धेरै स्थानमा, कर्णाली प्रदेशको पहाडी र हिमाली भेगका केही स्थानमा मेघगर्जन र चट्याङ्ग सहित मध्यमसम्म वर्षा र हिमपातको सम्भावना रहेको छ ।
यस्तै लुम्बिनी र सुदुरपश्चिम प्रदेशको तराईका धेरै स्थानमा र मधेश प्रदेश तथा कोशी, बागमती र गण्डकी प्रदेशका तराईका केही स्थानमा मेघगर्जन र चट्याङ्ग सहित मध्यमसम्म वर्षाको सम्भावना रहेको विभागले जनाएको छ ।
आज राति भने कोशी, बागमती, गण्डकी र लुम्बिनी प्रदेशको हिमाली, कर्णाली र सुदुरपश्चिम प्रदेशको हिमाली भेगको थोरै स्थानमा मेघगर्जनर चट्याङ्ग सहित मध्यमसम्मको वर्षा र हिमपातको सम्भावना छ ।
देशको पहाडी र तराईका धेरै स्थानमा मेघगर्जन र चट्याङ्ग सहित मध्यमसम्मको वर्षाको सम्भावना छ । कोशी प्रदेशको पहाडी र तराईका थोरै स्थानमा, तथा गण्डकी, लुम्बिनी र सुदुरपश्चिम प्रदेशका पहाडी र तराईका एक–दुई स्थानमा भारी देखि धेरै भारी वर्षाको सम्भावना रहेको छ।
मधेश प्रदेश तथा बागमती र कर्णाली प्रदेशको पहाडका एक–दुई स्थानमा पनि भारी वर्षाको सम्भावना रहेको छ। कोशी, बागमती, गण्डकी र लुम्बिनी प्रदेशका तराई र मधेश प्रदेशको केही स्थानमा हावाहुरीको पनि सम्भावना रहेको छ।
यस्तै आज झापा, ईलाम, पाँचथर, ताप्लेजुङ, तेह्रथुम, संखुवासभा, नवलपरासी पश्चिम, रुपन्देही, कैलाली, कन्चनपुर र आसपासका जिल्ला भई बहने स–साना नदीहरुको बहाव उल्लेख्य बढ्ने र आकस्मिक बाढीको मध्यम जोखिमको सम्भावना छ।
