काठमाडौँ । कमल थापाले बालेन शाह नेतृत्वको सरकारप्रति तीव्र असन्तुष्टि व्यक्त गरेका छन्। उनले सरकार निषेध, प्रतिशोध र पूर्वाग्रहको बाटोमा लागेको आरोप लगाएका छन्।
पूर्व प्रधानमन्त्री केपी शर्मा ओली र गृहमन्त्री रमेश लेखकको गिरफ्तारीप्रति आपत्ति जनाउँदै थापाले वर्तमान परिस्थितिमा द्वन्द्व र मुठभेड कसैको प्राथमिकता हुन नहुने बताएका छन्।
सामाजिक सञ्जालमार्फत आफ्नो धारणा सार्वजनिक गर्दै थापाले सुशासन र आर्थिक समृद्धिका लागि कानुनी राज्यको पालना, आपसी मेलमिलाप र एकता अनिवार्य रहेको उल्लेख गरेका छन्। उनले सरकारले यी मूल्यमान्यतालाई बेवास्ता गर्दै गलत दिशा लिएको टिप्पणी गरेका छन्।
थापाको भनाइमा, देशलाई स्थिरता र विकासतर्फ अघि बढाउन प्रतिशोध होइन, सहकार्य र सहमति आवश्यक रहेकोमा जोड दिएका छन्।
