काठमाडौँ । शिक्षा, विज्ञान तथा प्रविधिमन्त्री महावीर पुनले दशरथचन्द स्वास्थ्य विज्ञान विश्वविद्यालयका उपकुलपति पदका लागि दुईपटक विज्ञापन निकाल्दा पनि एकजनाले समेत निवेदन नदिएको भन्दै गम्भीर असन्तुष्टि व्यक्त गरेका छन्। स्वास्थ्य क्षेत्रको उच्च नेतृत्व तहमा योग्य र समर्पित व्यक्तिहरू नआगामी अवस्थाप्रति चिन्ता व्यक्त गर्दै उनले मातृभूमिप्रति प्रतिबद्ध, कम्तीमा १० वर्षसम्म स्वास्थ्य क्षेत्रमा प्राध्यापक ९प्रा।डा।० का रूपमा कार्यअनुभव भएका इच्छुकलाई प्रत्यक्ष रूपमा आफूलाई सम्पर्क गर्न आग्रह गरेका छन्।
सामाजिक सञ्जालमार्फत प्रतिक्रिया दिंदै मन्त्री पुनले लेखेका छन्—“सुदूरपश्चिम प्रदेश, धनगढीनजिकै रहेको दशरथचन्द स्वास्थ्य विज्ञान विश्वविद्यालयमा उपकुलपति पदका लागि दुई–दुई पटक विज्ञापन गरे पनि कसैको आवेदन आएन। मातृभूमिलाई सेवा गर्ने उद्देश्य भएका, स्वास्थ्य क्षेत्रमा १० वर्ष प्रा।डा। भएर काम गर्नुभएका देशभक्त सन्तानहरूलाई निवेदन दिन वा मलाई सम्पर्क गर्न अनुरोध गर्दछु।” सरकारले सुदूरपश्चिममा स्वास्थ्य शिक्षा तथा पहुँच विस्तारका लागि स्थापना गरेको यो विश्वविद्यालयका नेतृत्वविहीन अवस्थाले शैक्षिक र प्रशासनिक काम ठप्पजस्तै हुने चिन्ता बढेपछि मन्त्री पुनले सक्रियतापूर्वक सार्वजनिक अपिल गरेका हुन्।
