काठमाडौं – तत्कालिन प्रधानमन्त्री केपी शर्मा ओलीले पुनर्निर्मित धरहरा उद्घाटन गरेको करिब २ बर्ष हुन लाग्दा पनि सर्वसाधारणका लागी खुल्न सकेको छैन । अझै पनि २० प्रतिशत काम बाँकीनै रहेको कारण धरहरा सर्वसाधारणका लागि खुल्न नसकेको हो ।
२०७८ साल बैशाख मै तत्कालिन प्रधानमन्त्री केपी शर्मा ओलीले पुनर्निर्मित धरहरा उद्घाटन गरेका हुन् । ७ वर्ष भइसक्यो सर्वसाधारणले धरहरामा चढेर काठमाडौं नियाल्न पाएका छैनन् । ७२ सालको भुकम्पले नौ तले धरहरा ध्वस्त नै भयो । ०७५ सालमा निर्माण कम्पनीसँग धरहराको पुननिर्माण गर्ने सम्झौता भयो । भत्कीएको ३ बर्षपछि सुरु भएको निर्माण अझै पुरा हुन सकेको छैन ।
पुनः निर्माण नसकिदै हतार हतारमो उदघाटन गरियो । धरहराको मात्रै पुनः निर्माण सकएृपछि उद्घाटन भएको र त्यो बेला नै धेरै काम बाँकी रहेकाले अझै प्रयोगमा आउन नसकेको सहरी विकास मन्त्रालयको तर्क छ । शहरी विकास मन्त्रालय अन्तर्गत केन्द्रिय आयोजना कार्यान्वयन ईकाई भवन तथा आवास समितिले सबै काम पुरा गरेर आउदो असारसम्ममा सर्वसाधारणका लागी खुला गर्ने लक्ष्य लिएको आयोजना उपप्रमुख प्रभाकर कर्ण मल्ल बताउँछन् ।
नयाँ धरहरामा बगैँचा, सङ्ग्रहालय, रङ्गीन जल फोहरा, प्रदर्शनी हल, पार्किङ स्थल, पसललगायत रहने छन् । धरहरा परिसरमा पार्किङसहित रेस्टुराँ, बगैँचा, पुस्तकालयलगायतको सुविधा हुनेछन् । धरहरामा पार्कमा बस्ने ठाउ, ढुङ्गेधारा, हरियाली र चमेना गृह पनि हुनेछन् । यतिका सुविधा उपलब्ध गराउदा समय धेरै लाग्ने सरोकारवालाको भनाई छ । तर ऐतिहासीक धरहराको पुननिर्माणमा भएको ढिलासुस्ति र सर्वसाधारणको चाहानाप्रति पनि सम्बन्धित निकायको चासो आवश्यक छ ।
