राशिफलः तपाईको आजको दिन कस्तो रहनेछ ?
– ज्योतिष पण्डित सूर्यनाथ लुइटेल
मेषः दिन राम्रो छ। धनलक्ष्मी योग परेकाले आम्दानी बढ्नेछ। दीर्घकालसम्म रहने खालका योजना बन्नेछन्। स्वदेशमा धेरै विकल्प भेटिनेछन्। शत्रुमाथि विजय प्राप्त हुनेछ। जग्गा जमिनसम्बन्धी कारोबारमा उल्लेखनीय नाफा हुनेछ।
वृषः दिन राम्रो छ। लगानीका स्रोतहरु सबल छन्। स्वास्थ्यमा समस्या आउन सक्छ। पारिवारिक सम्बन्ध सुमधुर रहनेछ। स्वदेशमै रोजगारीको विकल्प प्राप्त हुनेछ।
मिथुनः दिन सामान्य छ। तपाईंको बोलीले आफन्त टाढिने छन्। बन्धुसँगको सहकार्यले फाइदा हुनेछ। शिक्षा र स्वास्थ्यका क्षेत्रमा दिन सबल छ। सामाजिक क्षेत्रमा भने सेवाका अवसर गुम्नेछन्। पारिवारिक सम्बन्ध सुमधुर बन्नेछ।
कर्कटः दिन राम्रो छ। आज व्यापार व्यवसायमा फाइदा हुनेछ। राजनीतिमा पदोन्नती हुनेछ। पारिवारिक सम्बन्ध सुमधुर बन्नेछ। वैदेशिक रोजगारमा प्रयास गरेको भए सफलता मिल्नेछ। आज पश्चिमको यात्रामा नजानु राम्रो हुनेछ।
सिंहः दिन राम्रो छ। आर्थिक र सामाजिक क्षेत्रमा गरेको प्रयास सफल हुनेछन्। शत्रु पराजित हुनेछन्। बौद्धिक क्षेत्रमा भएका व्यक्तिसँगको परामर्शले आफ्ना योजना बन्नेछन्। गोप्य योजना बनाएर गरेको कामबाट फाइदा हुनेछ।
कन्याः दिन सामान्य छ। आज नयाँ कामको थालनी नगर्नुहोला। समाजसेवा र राजनीतिमा शुभ संकेत देखिएका छन्। तर अनावश्यक यात्रा हुँदा समय र खर्च सकिनेछ। परिवारको साथ लिएर अघि बढ्नु लाभदायी हुनेछ।
तुलाः दिन राम्रो छ। बोली र व्यवहारमा एकरुपता नहुँदा समस्या आउन सक्छ। शिक्षाको क्षेत्रमा गरेको प्रयास सफल हुनेछ। स्वास्थ्यमा पनि सुधारका संकेत देखिनेछन्। परिवारको साथ मिल्नेछ।
वृश्चिकः दिन राम्रो छ। शिक्षा, स्वास्थ्य र सामाजिक क्षेत्रमा बढुवा हुने दिन छ। राजनीतिक क्षेत्रमा पनि लाभ मिल्नेछ। पारिवारिक सम्बन्ध सुमधुर बन्नेछ। प्रेममा उत्साह बढ्नेछ।
धनुः दिन सामान्य छ। शनिको प्रभावले मनमा नराम्रा विचार आउनेछ। कुरा काट्नेहरु बढ्ने भएकाले सचेत भएर अघि बढ्नुपर्नेछ। परिवारको साथ मिलेर गरेको कामबाट भने लाभ मिल्नेछ।
मकरः दिन सामान्य छ। आज पूर्वको एकल यात्रामा ननिस्कनु उचित हुनेछ। शत्रु बढ्नेछन्। जग्गा जमिन सम्बन्धी कारोबारमा फाइदा हुनेछ।
कुम्भः दिन सामान्य छ। यात्रामा समय र सम्पत्ति खर्च हुने भएकाले अनावश्यक यात्रा नगर्नु उचित हुन्छ। परिवारमा विवाद हुन सक्छ। थोरै बोलेर अघि बढ्नु लाभदायी हुनेछ। धार्मिक कार्यमा सहभागी भएर दिनको सुरुवात गर्नु राम्रो हुनेछ।
मीनः दिन सामान्य छ। आज सहकार्यमा गरेका कामबाट केही हौसला मिल्नेछ। धार्मिक क्षेत्रमा अनास्था बढ्न सक्छ। आम्दानीका स्रोत बढ्ने छन्। व्यापार व्यवसायमा लाभ मिल्नेछ।
